Manstu eftir Núma? Það er tilvalið að rifja aðeins upp þann karakter, til dæmis bara af því að það er föstudagur.

Í vikunni sköpuðust skemmtilegar umræður um bílaatriði í íslenskum kvikmyndum.  

Er mörgum minnisstætt bílaatriðið úr Löggulífi frá árinu 1985 enda var mikill hasar og hamagangur í því atriði og ýmislegt sem gerir það nánast ódauðlegt, að mati undirritaðrar.

Fleiri íslenskar kvikmyndir voru nefndar í umræðuþræði á Facebook: Perlur og svín, Sódóma Reykjavík og Foxtrot. En eru fleiri bílaatriði í íslenskum kvikmyndum? Alveg örugglega! Það er hins vegar ekki hlaupið að því að nálgast myndefni.

Á meðan við veltum þessu fyrir okkur er við hæfi að taka Núma til skoðunar. Þetta er karakter sem Örn Árnason lék í Spaugstofunni á síðustu öld. Er nokkuð víst að skapari Núma sé Örn sjálfur.

Þó svo að Númi tali ekki í atriðunum má með sanni segja að myndbandið tali sínu máli. „Númi kaupir bíl“ er hressandi þó svo að myndgæðin séu ekki þau bestu í heimi.

Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.

Sett inn
19/11/2021
í flokknum:
Bílaheimurinn

Fleiri fréttir úr flokknum:

Bílaheimurinn

skoða allt

Skráðu þig á póstlistann okkar
Fáðu nýjustu greinarnar í pósthólfið þitt

Thank you! Your submission has been received!
Oops! Something went wrong while submitting the form.