- Framleiðslu á Volkswagen Up hefur verið hætt, 12 árum eftir að hann kom á markað, og núna er Polo-minnsti bíllinn eftir í línu þýska fyrirtækisins.
Samkvæmt frétt á vef Autocar kemur fram að verksmiðja VW-samsteypunnar í Bratislava í Slóvakíu hefur framleitt síðasta eintakið af litla borgarbílnum, sem kom fyrst í sölu árið 2011 sem arftaki Volkswagen Fox.
Eftir að framleiðslu Skoda Citigo var hætt árið 2020 og SEAT Mii um ári síðar er sá síðasti af „borgarbílatríói“ Volkswagen Group ekki lengur í framleiðslu.
Framleiðslu á Up! hefur verið hætt, samkvæmt nýrri frétt frá Autocar og Motor! Vefurinn Motor1 hefur tekið þessa frétt upp líka. Síðasti bíllinn hefur runnið af færibandinu í verksmiðjunni í Bratislava og bindur því enda á nýja litla fjölskyldu bílasamsteypunnar (NSF eða „New Small Family“) í A-stærðarhluta bíla í Evrópu.
Sem var arftaki Fox, í framleiðslu í hvorki meira né minna en 12 ár og því er hann einn af elstu bílunum sem þýska bílasamsteypan selur.
Brotthvarf hans kemur um 10 mánuðum eftir að GTI-útgáfu bílsins var hætt.
Allar þrjár gerðir NSF-bílanna voru einnig boðnar sem rafknúin farartæki, og á meðan sambærilegir stærðarflokkar eru ekki í boði, hefur VW Group lofað að ný bylgja ódýrra rafbíla muni koma síðar á þessum áratug.
Búist er við að kjarnavörumerkið komi með ID.1 á markað, sem minni og ódýrari valkost en ID.2 sem það forsýndi fyrr á þessu ári með hugmyndabíl, sem hefur þegar verið sýndur líka í GTI-útgáfu.
Sá ID.1 mun eingöngu koma með raforku þar sem VW er að hætta með brunavélar í minnsta flokki Evrópu. Samstæðan hefur meira að segja sagt að bílar í B-stærðarflokki með brunavél séu í hættu vegna Euro 7 reglugerðanna, en það var áður en staðallinn var verulega útvatnaður.
Líkt og Fabia og Ibiza urðu grunngerðir frá Skoda og SEAT eftir að hætt var að framleiða Citigo og Mii, er Polo nú ódýrasti VW í Evrópu. Ákvörðunin um að hætta við Up! markar endalok tímabils fyrir samstæðuna með það í huga að það verður aldrei bíll hér eftir í A-stærðarhluta markaðarins með brunavél miðað við sókn rafbílanna í dag!
Verksmiðjan í Slóvakíu þar sem Up! var settur saman er að verða tilbúin til að taka á móti nýjum gerðum þar sem Volkswagen Passat 2024-stationbíllinn verður smíðaður þar. Að auki mun væntanlegur Skoda Superb í bæði lyftbak- og stationgerð verða framleiddur í Bratislava.
Frá 2033 hefur VW heitið því að smíða eingöngu rafbíla í Evrópu.
(fréttir á vef Autocar og Motor1)
Umræður um þessa grein