- Ford mun stækka vörulínu sína fyrir fólksbíla í Evrópu með nýjum gerðum, að því er söluaðilum hefur verið sagt.
Forstjóri Ford, Jim Farley, hyggst þróa nýja fólksbíla aftur í Evrópu, að því er Christoph Herr, yfirmaður vörumerkisins í þýskumælandi löndum, sagði söluaðilum í myndbandsfundi.
Á undanförnum árum hefur bandaríski bílaframleiðandinn minnkað framboð sitt á fólksbílum í Evrópu til að einbeita sér að arðbærari viðskiptum á maraði léttari atvinnubíla.
Mest seldi fólksbíll Ford í Evrópu er litli Puma „ceossover“-sportjeppinn.
Vinsæli smábíllinn Fiesta var hættur, ásamt Galaxy og S-Max smábílunum. Framleiðsla á Focus á að hætta í haust.
Mest seldi fólksbíll Ford í Evrópu er Puma sportjeppinn með 64.212 sölur á fyrstu fimm mánuðunum, á eftir kemur Kuga sportjeppinn með 44.573 sölur og Focus með 32.499 sölur, samkvæmt markaðsrannsóknarfyrirtækinu Dataforce.
Rafknúnir Explorer og Capri eru með hægfara sölutölur á rólegum rafmagnsmarkaði Evrópu. Sala Explorer í maí var 15.764 bílar og sala á Capri var 5.068 bílar.
Ford neitaði að tjá sig um framtíðarlínu sína, en söluaðilar fögnuðu fréttunum.
Tilkynningin vekur nýja bjartsýni meðal margra söluaðila og starfsmanna. „Við elskum þetta vörumerki — það er hluti af Evrópu og ætti að vera það áfram,“ sagði söluaðili.
Annar söluaðili sagði við Automobilwoche: „Þetta er mikill léttir. Við þurfum nýjar gerðir — og ekki bara rafknúnar gerðir.“
(Automotive News Europe)
Umræður um þessa grein