Ford með nýtt útlit og fleiri eiginleika í Ranger
Nýi pallbíllinn verður kynntur 24. nóvember
Ford var að senda frá sér kynningarmynd af næsta Ford Ranger og segir að pallbíllinn verði ýmsum góðum kostum gæddur sem auka hagkvæmni hans, getu og fjölhæfni
„Næsta kynslóð Ranger er hönnuð með það að markmiði að komast á fleiri staði, vinna erfiðari verk og bjóða upp á meiri þægindi og fágun en nokkru sinni fyrr,“ sagði Ford í yfirlýsingu á mánudag.
Pallbíllinn mun einnig hafa hörkulegt nýtt útlit, sagði bílaframleiðandinn.
Ford gaf ekki frekari upplýsingar um pallbílinn fyrir afhjúpun hans á netinu, sem verður miðvikudaginn 24. nóvember næstkomandi.
Pallbíllinn verður seldur í 180 löndum, þar á meðal á mörkuðum Ford í Evrópu. Við reiknum bara með að Ísland verði þar á meðal.
Ford hefur ekki gefið upp hvort nýjasta útgáfan verði seld í Bandaríkjunum þar sem núverandi Ranger er seldur ásamt miklu hinum vinsæla F-150 pallbíl í fullri stærð, en búist er við að fyrirtækið bæti nýju gerðinni við síðar.
Auto Express segir að næsta fullvíst sé að nýi Ranger verði með dísilvél – að minnsta kosti í byrjun.
Hannaður af Ford í Ástralíu
Ranger var þróaður af hönnunarmiðstöð Ford í Ástralíu.
Tengitvinn-útgáfu verður einnig hleypt af stokkunum árið 2024 sem hluti af ákvörðun Ford um að vörubílaframleiðsla þess í Evrópu verði boðin í rafknúnum eða tengitvinnútgáfum árið 2024. Gert er ráð fyrir að rafknúinn Ranger verði tengitvinnbíll frekar en rafknúin gerð.
Ford drottnar um þessar mundir yfir tiltölulega litlum evrópskum pallbílamarkaði með Ranger, eftir að keppinautar eins og Mitsubishi, Nissan og Renault hættu eða minnkuðu framboð.
Ford seldi 12.000 Ranger-bíla í Evrópu á fyrsta ársfjórðungi samanborið við 8.890 við næstsöluhæsta pallbílinn, Toyota Hilux, samkvæmt upplýsingum frá markaðsrannsóknum JATO Dynamics.
Ford kynnti nýlega minni og ódýrari pallbíl, Maverick, í Bandaríkjunum á grunni án hefðbundinnar grindar. Fyrirtækið hefur sagt að það muni ekki bjóða upp á nýja Maverick í Evrópu.
Ranger mun einnig mynda grunninn að næsta Volkswagen Amarok sem er hluti af iðnaðarsamstarfi milli bílaframleiðendanna tveggja.
Evrópubíllinn smíðaður í Suður-Afríku
Ford mun smíða Ranger fyrir Evrópu samhliða VW Amarok í nýstækkaðri Silverton verksmiðju sinni í Suður-Afríku. Fyrirtækið fjárfestir 686 milljónir Bandaríkjadala í verksmiðjuna til að auka árlega afkastagetu í 200.000 einingar úr 168.000, sagði Ford fyrr á þessu ári.
VW hefur sagt að Amarok verði „klárlega frábrugðinn Ranger hvað útlit varðar“.
Ranger verður fyrsta Ford-þróaða gerðin sem mun einnig mynda grunninn að VW útgáfu undir bandalagi bílaframleiðenda, sem kynnt var árið 2019.
Fyrsta VW-þróaða gerðin sem Ford setur á markað verður Tourneo Connect sem var kynntur nýlega; lítill fólksbíll byggður á VW Caddy.
Samvinnan milli Ford og VW felur einnig í sér áætlanir um smíði nýs VW Transporter sendibíls samhliða næsta Transit Custom sendibílnum, en framleiðsla hefst árið 2023 í Tyrklandi.
Ford notar einnig MEB alrafmagnsgrunn VW til að smíða rafbíla í verksmiðju sinni í Köln, Þýskalandi, frá og með 2023.
(fréttir á Automotive News Europe og Auto Express)
