Ford búnir að smíða 150 þúsund Mustang Mach-E

Ford búnir að smíða 150 þúsund Mustang Mach-E

150 þúsundasti Mustang Mach-E rennur af línunni þegar Ford leitast við að framleiða 2 milljónir rafbíla árlega fyrir árið 2026

Mustang Mach-E frá Ford heldur áfram að vinna viðskiptavini þar sem bílaframleiðandinn tilkynnti í dag að hann hefði framleitt sinn 150.000 rafknúna sportjeppa.

Mach-E er nú fáanlegur á 37 alþjóðlegum mörkuðum þar sem Ford flýtir framleiðslu rafbíla til að ná markmiði sínu um 2 milljónir bíla árið 2026.

Mustang Mach-E var opinberlega frumsýndur heiminum árið 2019 þegar Ford tók stórt skref til að snúa fyrirtækinu í átt að losunarlausum ökutækjum og tryggja viðgang bandaríska bílaiðnaðarins.

Í lok árs 2020 var Mustang Mach-E frá Ford sá fyrsti af mörgum rafbílum sem komu á markað, og sem mikil eftirvænting var eftir og kom á fót nýrri kynslóð farartækja.

Rafknúinn Mustang frá Ford hefur síðan orðið einn mest seldi rafbíllinn í Bandaríkjunum og á heimsvísu.

Ford tók hið þekkta Mustang vörumerki og breytti því í rafbíl fyrir hvaða ökumann sem er. Þessi „sportjeppi“ sem er ekki svo stór hefur nokkra útfærslumöguleika til að velja úr, með allt að 502 km áætlaða EPA drægni og GT Performance Edition (480 hestöfl, 859 Nm tog) fyrir þá sem vilja aðeins meira út úr ferð sinni með 0 til 96,5 km/klst tíma upp á 3,5 sekúndur.

Mikil eftirspurn eftir Mach-E hefur knúið Ford áfram í annað mest selda rafbílamerkið á eftir núverandi söluhæsat bílnum – Tesla.

Í Bandaríkjunum einum hafa yfir 31.000 Mustang Mach-E verið seldir frá árinu til þessa, til október 2022, þar sem salan heldur áfram að aukast.

Þegar Ford stefnir áfram í átt að markmiði sínu að ná tveimur milljónum rafbíla á ári fyrir árið 2026, er bílaframleiðandinn að flýta fyrir framleiðslu Mach-E og í dag náði fyrirtækið stórum áfanga. Með 150.000 framleidda Mach-E-bíla horfir Ford til þess að byggja á skriðþunganum.

Ford framleiðir 150 þúsundasta Mustang Mach-E þegar sala rafbíla er að aukast

Í fréttatilkynningu í dag sagði Ford að 150.000. Mustang Mach-E bíllinn væri framleiddur og ætlaður til viðskiptavina.

Til að halda boltanum gangandi er Ford að auka framleiðsluhraða Mach-E og stefnir nú á framleiðsluhraða sem nemur 270.000 bílum árlega sem hluti af stefnu sinni að ná 600.000 rafbílum fyrir árslok 2023 og tveimur milljónum fyrir árið 2026.

Deborah Manzano, framleiðslustjóri Ford, útskýrir þörfina með því að halda því að segja: „Verksmiðjan er á fullu“, og bætti svo við:

Það er ný rafhlöðulína, ný undirvagnslína, viðbótarsamsetningarlína, við erum bókstaflega að nýta plássið til að búa til fleiri Mustang Mach-E bíla. Nýlega bættum við líka við nýrri málningardeild. Ekkert stendur lengi í kyrrstöðu.

Yfir 80% Mustang Mach-E ökumanna meðal bandarískra viðskiptavina og 90% evrópskra neytenda hafa skipt úr bíl með hefðbundna brunavél yfir í rafmagn.

Gögnin sýna að rafmagns Mustang frá Ford aðstoðar við umskipti yfir í sjálfbæran flutningsmáta.

Darren Palmer, forstjóri rafknúinna ökutækja hjá Ford Model e, útskýrir hvernig teymið var ekki viss um hvernig fyrstu viðbrögð yrðu, og sagði:

Þegar við settum „hestinn“ á þennan Mustang vissum við að við myndum hafa efasemdamenn. Það sem við vissum ekki alveg þá var hversu vinsæll þessi bíll myndi verða. Ég elska að sjá Mustang Mach-E bíla á vegunum og tala við viðskiptavini, og ég er að sjá fleiri og fleiri af þeim.

Eftirsóttur Mach-E frá Ford er nú fáanlegur í 37 löndum um allan heim, aukning úr 22 löndum við kynningu. Nokkrir af nýjustu mörkuðum eru Brasilía, Argentína og Nýja Sjáland.

Skemmtilegar staðreyndir um Mustang Mach-E

Mustang Mach-E er margverðlaunaður rafbíll sem hefur stöðugt batnað á hverju ári.

Hér að neðan eru nokkrar skemmtilegar staðreyndir um rafmagns Ford Mustang Mach-E og ökumenn hans.

• Breyting á akstri – Yfir 73% viðskiptavina Mustang Mach-E eru nýir í Ford vörumerkinu, næstum allir þeirra skipta úr bensínknúnum farartækjum.
• Vinsæl málning – „Space white“ er vinsælasti liturinn í Bandaríkjunum, „Rapid red“ og „Shadow black“ í Evrópu og „Blue metallic“ er vinsælastur í Kína.
• Vinsæl útfærsla – Premium Mustang Mach-E með aukinni drægni er vinsælastur í Bandaríkjunum, Evrópu og Kína.
• Ökumenn 26 til 40 ára – 30% viðskiptavina Mach-E í Bandaríkjunum eru á aldrinum 26 til 40 ára, en næstum helmingur í Kína er á aldrinum 27 til 37 ára.

(grein á vef electrek)