- Henrik Fisker lýsir EV á Instagram sínu sem „fullkominn Grand Touring bíl fyrir lengri vegalengdir með áætlaða drægni upp á 965 km“ og sem verður frumsýndur 3. ágúst.
Flestar fréttir tengdar bílaframleiðandanum Fisker eru tengdar Ocean rafdrifna sportjeppanum sem nýlega var byrjað að afhenda til viðskiptavina í Bandaríkjunum, en þetta sprotafyrirtæki á sviði rafvæðingar vinnur einnig að tveimur öðrum gerðum.
Fisker Ocean.
Þetta eru Fisker Pear grunngerð sem áætlað er að komi í sölu árið 2025 með byrjunarkostnaði undir 30.000 dollurum (um 4,1 milljón ISK) og Fisker Ronin flaggskipið, rafbíll sem er lýst af fyrirtækinu sem fjögurra dyra blæjubíl eða GT sportbíl.
Fisker Pear frumgerð.
Ekki er mikið vitað um þennan síðarnefnda annað en búist er við að bíllinn muni kosta um það bil 200.000 Bandaríkjadollara (um 27,3 milljónir ISK) og fari í sölu í kringum 2025 – eða jafnvel síðar, þar sem Pear var upphaflega áætlaður fyrir 2024 og var seinkað til 2025.
Fyrstu Ocean-bílarnir komnir til kaupenda í Bandaríkjunum
Fyrri rúmri viku mátti lesa fréttir um að nokkrir Fisker pöntunarhafar settust loksins undir stýri á Ocean rafmagnsjeppanum sínum eftir langa bið. Vörumerkið í Kaliforníu afhenti viðskiptavinum 22 eintök af Ocean One frumsýningarútgáfunni í fyrirtæki Fisker í Los Angeles.
Fisker sendi bílana frá Graz í Austurríki þar sem þeir eru smíðaðar í framleiðslustöð Magna Steyr. Fleiri afhendingar Fisker Ocean í Bandaríkjunum munu halda áfram í gegnum sumarið þar sem fyrirtækið reynir að uppfylla gríðarlegan pöntunarsafn upp á um það bil 65.000 bíla frá og með febrúar 2023.
Vörumerkið afhenti sína fyrstu bíla til evrópskra viðskiptavina í Danmörku í síðasta mánuði.
Fisker hefur skorið framleiðsluspá sína fyrir árið 2023 úr yfir 42.000 bíla í á milli 32.000-36.000 einingar, sagði það á fyrsta ársfjórðungi 2023. Forstjórinn Henrik Fisker sagðist þó búast við að framleiðslan myndi aukast í 1400-1700 bíla á öðrum ársfjórðungi og hugsanlega 6000 eintök á mánuði það sem eftir er af árinu 2023.
Birti kynningu á Instagram
Nú hefur Henrik Fisker, stofnandi og forstjóri Fisker Inc, ákveðið að það væri kominn tími til að koma fram með nýja uppfærslu um Ronin, og hann hefur gert það á persónulegu Instagram síðu sinni.
Hinn frægi bílahönnuður og frumkvöðull hefur birt nýja kynningu á Fisker Ronin, sem gefur besta yfirlitið til þessa á framtíðarflaggskipi fyrirtækisins og áhugaverðar upplýsingar.
Frumsýndur 3. ágúst
Byrjað á því síðarnefnda segir Fisker að bíllinn verði sýndur eftir mánuð 3. ágúst og hann verði „ofurhraður“ og bjóði upp á pláss fyrir fimm. Framkvæmdastjórinn lýsir farartækinu sem „fullkominn Grand Touring bíll fyrir langar vegalengdir með væntanlegri drægni upp á 600 mílur eða um 965 km“.
Augljóslega hljómar þessi drægni 600 mílur (965 kílómetrar) mjög vel, en það er líklega of snemmt að æsa sig yfir því. Slík drægni myndi gera Fisker Ronin að langdrægasta rafbílnum á markaðnum, að því gefnu að aðrir rafbílar komi ekki á markað með meira en 600 mílna drægni á meðan.
Henrik Fisker sagði á síðasta ári að Ronin myndi innihalda rafhlöðupakka sem og „einstæðar hurðir fyrir betri inn- og útgang og lúxus, með sjálfbærri vegan innréttingu sem dregur upp nýja, háþróaða hönnunarstefnu.
Hvað varðar hönnun Ronin, sýnir þessi nýjasta mynd ökutækið með útdraganlega málmþakið lokað og gerir okkur kleift að koma auga á sportleg smáatriði eins og öflug bretti, mótað loftræst húdd, ljósastöng að aftan og stórar felgur.
Líkt og flest hönnun Henrik Fisker lítur Ronin út eins og nokkuð sem tekið verður eftir, en hvort það muni í raun gerast og bjóða upp á fyrirheitna frammistöðu og drægni er allt önnur spurning sem veltur líklega mikið á því hversu vel Ocean jeppinn mun standa sig í markaði, segir á vef insideevs.
