- Það var talsvert um að vera hjá nokkrum af bílaumboðunum í dag. Fimm nýir bílar voru frumsýndir.
BYD Sealion 4×4
BYD Sealion 7 er fjórhjóladrifinn rafmagns sportjepplingur, framleiddur af kínverska fyrirtækinu BYD Auto. Hann er hluti af „Ocean Series“ línunni þeirra og er miðlungsstór SUV sem státar af nýjustu tækni og stílhreinu útliti.
Sealion 7 styður hraðhleðslu allt að 230 kW, sem gerir kleift að hlaða frá 10% upp í 80% á aðeins 24 mínútum. Drægnin er 505 kílómetrar í efstu útgáfu bílsins.
BYD Tang 4×4
Þessi vinsæli fjölskyldubíll kemur nú í splunkunýrri útfærslu. Um er að ræða rafdrifinn sportjeppa sem kemur með fjórhjóladrifi og sjö sætum ásamt 530 km akstursdrægni (WLTP í blönduðum akstri). Upplifðu enn meiri lúxus og enn meiri búnað, segir í lýsingu á vef BYD á Íslandi.
Subaru Forester
Nýr og endurbættur Forester er sagður skemmtilegur í akstri, stýringin viðbragðsfljót og þægindin einstök.
Hann er stöðugur í beygjum, þrátt fyrir jeppahæðina, auk þess að vera vandlega þróaður til að draga úr þreytu á lengri ferðalögum til að allir geti notið ánægjulegrar akstursupplifunar – allt þetta er sagt í lýsingu um bílinn á vef Subaru á Íslandi.
Samhverft aldrif og endurbættur X-MODE staðalbúnaður í öllum gerðum tryggja líka að þú komist þægilega og áhyggjulaust á áfangastað. Nýr Subaru Forester er hybrid bíll. Lux gerðin af Subaru Forester kostar 9.590.000 kr.
Isuzu Max
Er grjótharður pallbíll sem hentar vel við íslenskar aðstæður. Fullur af afli, tækni og öllum helsta búnaði sem við viljum sjá í bílum í dag. 24 sm undir lægsta punkt, mismunadrif með læsingu og 80 sm vaðdýpt. Dráttargeta 3.5 tonn og verð á dýrustu týpunni 10.590.000 kr.
Kia EV3
Við sögðum ykkur frá forsýningu á Kia EV3 á sl. Fimmtudag og um hana má lesa hér.
Kia EV3 er nýr rafknúinn borgarbíll sem sameinar nýstárlega hönnun, háþróaða tækni og sjálfbært efnisval. Kia á Íslandi býður bílinn í ýmsum útfærslum og þremur gerðum, Air, Earth og Luxury. Verðið á Luxury týpu Kia EV3 er 6.590.777 kr. með rafbílastyrk.
Við hjá Bílablogg munum að sjálfsögðu leita eftir reynsluakstri á öllum ofangreindum gerðum.
Myndir: Bílablogg
Umræður um þessa grein