Fiat 600 crossover sportjeppi

• Fiat 600 crossover sýndur sem Jeep Avenger keppinautur ítalska fyrirtækisins

• Arftaki 500X fær e-CMP2 grunn fyrir 400 km drægni fyrir rafbílinn; bensínafbrigði væntanlegt

Við getum átt von á því að gata farið að skoða nýja rafdrifna sportjeppan Avenger frá Jeep hjá Ísband í Þverholtinu í Mosfellsbænum næstu daga, en núna lítur út fyrir að sá bíll sé að eignast „systkini“ því Fiat hefur opinberað rafmagnsarftaka 500X crossover – svar ítalska fyrirtækisins við Jeep Avenger, og sem kemur í sölu síðar á þessu ári.

Búist er við að hann noti e-CMP2 grunninn frá móðurfyrirtækinu Stellantis, þessi nýi crossover er nefndur Fiat 600 og mun deila miklu af grunni Avenger.

Fiat 600 var opinberaður í myndbandi sem birt var á YouTube rás fyrirtækisins og inniheldur nokkrar hönnunarvísbendingar sem sjást á minni Fiat 500 electric, svo sem framljós hans og framgrill í „honeycomb“-stíl.

Í myndbandinu var 600 með hvítri málningu að utan og svartar hönnunaráherslur settar á afturvindskeiðina, þakið, speglana og hliðarsílsana.

Fiat 600 er svar Fiat við Jeep Avenger og deilir svipaðri tæknilegri uppsetningu

Fiat hefur ákveðið að geyma að sýna mikið af innréttingu 600-bílsins í bili og sýna ökumannsklefann, stafrænan ökumannsskjá og stóran miðlægan snertiskjá.

Hann mun líklega vera með sömu tækniuppsetningu og núverandi Fiat 500, þó með 10,25 tommu snertiskjá upplýsingakerfi, með Apple CarPlay og Android Auto.

Það er líka búist við að bíllinn muni nota sama 51kWh (nothæfa afkastagetu) rafhlöðupakka sem sést í Avenger, sem er góður fyrir 400 km drægni og getur hlaðið allt að 100kW hraða.

Gert er ráð fyrir að rafmótoruppsetning Avenger verði einnig á 600; einn mótor uppsetning með 154 hö og 260 Nm í boði, sem gefur 0-100 km/klst sprett upp á um 9,0 sek.

Líklegt er að 600 muni í stórum dráttum samavara við þessa eiginleika, eins og aðrar e-CMP2 gerðir eins og DS 3 E-Tense og Peugeot e-2008.

Hins vegar mun 600 halda áfram framboði Fiat á sviði brunavéla í bili. Gert er ráð fyrir að hann verði boðinn með bensínvél, knúinn af 1,2 lítra þriggja strokka vél í mismunandi gerðum.

Lengi hefur verið talað um að 600-bíllinn sé að koma, eftir að hafa sést í prófunum á vegum í fyrsta skipti fyrr á þessu ári.

(frétt á vef Autocar – myndir úr vídeói Fiat)