Fegurðin afhjúpuð
Hann var frumsýndur í dag, bíllinn sem sópað hefur að sér verðlaunum undanfarið. Þetta er auðvitað VW ID.Buzz, nýjasti meðlimurinn í rafbílafjölskyldu Volkswagen.
Það er ekki annað hægt að segja en að gripurinn er fallegur að flestu leyti held ég að við getum sagt.
ID.Buzz er ríkulega búinn staðalbúnaði en hann er með 77 kWst. rafhlöðu og drægni allt að 420 km. skv. WLTP staðlinum.
Það eru reyndar nákvæmlega sömu tölur og ID.4 bíllinn hefur til að bera.
Litadýrð
Það eru hvorki meira né minna en ellefu litir í boði – og þarf fjórir tvítóna. Þú getur síðan valið um lúkk á felgum í mismunandi stærðum.
Vel búinn í grunninn
Standard innrétting bílsins er afskaplega vel frá gengin – hún er svört og hentar allstaðar við öll tilefni. Þeir sem eru litaglaðir og vilja krydda aðeins upp á lífið með litum eru Style innréttingarnar til í bláu, gulu, orange og grænu.
Að auki er hægt að fá Premium innréttingu í sömu litasamsetningu en hún kostar þrjúhundruð þúsund krónur aukalega. Þá erum við að tala um 30 lita Ambient innri lýsingu, armhvílu á báðum framsætum, Art Velours ECO áklæði og teppalagt innanrými svo eitthvað sé nefnt.
Þú hakar bara við
Í vefsýningarsalnum getur þú síðan raðað þeim búnaði sem þú vilt í óskabílinn. Fyrir tæpa hálfa milljón í viðbót getur þú fengið rafdrifin framsæti með mjóbaksstuðningi og minnisstillingum í ökumannssaæti.
Þá er líka stillanlegur hiti í framsætum.
Assistance Plus pakkinn kostar tæpar tvöhundruð þúsund krónur í dag en í honum er Park Assist Plus bílastæðaaðstoð með minnisstillingu, blindhornaviðvörun og 360° myndavél.
Fjölbreytt notagildi í mismunandi útfærslum
Fleiri pakkar eru í boði sem hægt er að bæta við en sá sem okkur fannst hvað mest spennandi er Open og Close Pakki Plus.
Þá er hurðaopnun rafdrifin, lýsing á hurðarhúni á afturhurð, þjófavörn með hreyfiskynjara í innanrými og dráttarvörn, lýsing á hurðarhúnum og rafdrifin opnun á rennihurðum beggja hliða.
Þetta er svo einfalt. Þú velur og smellir svo á panta – og þeir hringja í þig þegar bíllinn er tilbúinn til afhendingar.
Volkswagen, eins og aðrir bílaframleiðendur hafa ekki farið varhluta af íhlutavöntun sem hefur tafið framleiðslu og afhendingu bíla talsvert.
Ef þú pantar ID.Buzz í dag gætir þú verið að fá hann á vordögum 2023 eða jafnvel fyrr.
Umræður um þessa grein