Evrópustjóri Stellantis er bjartsýnn á framtíð Opel
Uwe Hochgeschurtz segir að framtíð tveggja þýskra samsetningarverksmiðja Opel sé örugg
Saga Opel hefur verið svolítið þyrnum stráð á liðnum áratugum. Saga Opel byrjaði í raun 1862 í Rüsselsheim í Þýskalandi, og fyrirtækið komst að fullu í eigu General Motors árið 1931, og þannig var þetta í nærri 90 ár.
PSA Peugeot Citroen samsteypan keypti hins vegar Opel og systurfyrirtækið Vauxhall á Englandi fyrri 2 milljarða evra vorið 2017, og þar með varð þessi franska samsteypa næst stærsti bílaframleiðandi í Evrópu, aðeins Volkswagen var stærri.
Og enn urðu breytingar í janúar 2021 þegar Opel var selt til Stellantis í kjölfar samruna PSA-samsteypu Peugeot Citroen og amerísku Fiat Chrysler Automobiles samstæðunnar.
Og áfram var staða Opel aðeins óörugg, þar til núna samkvæmt nýjustu fréttum.
„Framtíð Opel er örugg“
Samkvæmt frétt Michael Gerster hjá þýska Automobilwoche er framtíð Opel innan Stellantis-samsteypunnar er örugg ásamt tveimur þýskum samsetningarverksmiðjum vörumerkisins, að því er fram komí viðtali við Uwe Hochgeschurtz, yfirmann samstæðunnar í Evrópu.
„Ég er ánægður með vörumerkið. Ég er mjög ánægður með vöruúrvalið,“ sagði Hochgeschurtz í viðtali við þýska Automobilwoche systurtímarit Automotive News Europe.
„Opel er og verður áfram – eins og öll önnur Stellantis vörumerki – sjálfstætt vörumerki,“ sagði Hochgeschurtz.
Vörumerkið „hefur mikið gildi,“ bætti hann við.
Hönnunarmiðstöð Opel í Ruesselsheim er ein sú nútímalegasta í samstæðunni.
„Þróunargetan er mikil. Við erum í aðstöðu til að þróa margar farsælar gerðir eins og Corsa, Mokka eða Astra“, sagði Hochgeschurtz.
Tvær verksmiðjur Opel í Þýskalandi, í Ruesselsheim og Eisenach, eru með stöðugt vinnuálag, sem þýðir að framtíð þeirra er örugg, sagði hann.
Verksmiðjan í Ruesselsheim, nálægt Frankfurt, hefur verið styrkt eftir að framleiðslu á Opel/Vauxhall Astra og DS 4 gerðum var bætt við, sagði Hochgeschurtz.
Hann sagði ekki hvar arftaki Insignia verður framleiddur. Meðalstærðarbíllinn var smíðaður í Ruesselsheim þar til að smíði hans var hætt í fyrra.
„Það verður arftaki Insignia með svipaða eiginleika. Við höfum ekki enn tilkynnt framleiðslustaðinn.
Gamli Insignia-bíllinn var farartæki frá öðrum tímum, enda byggður á grunni fyrir brunahreyfla eingöngu,“ sagði Hochgeschurtz.
Eisensach nýtir góða afkastagetu þrátt fyrir að smíða aðeins eina gerð, Grandland jeppann, sagði hann.
Grandland „er mjög farsælt farartæki með mjög mikið af pöntunum“, sagði Hochgeschurtz.
Opel, ásamt öðrum Stellantis vörumerkjum, tapaði markaðshlutdeild á síðasta ári þar sem skortur á örflögum og flöskuhálsar í flutningum þrengdu að afhendingu til umboða.
Sala Opel og Vauxhall bíla dróst saman um 12 prósent í 428.145 bíla árið 2022 í löndum ESB, EFTA og Bretlands, að sögn iðnaðarsamtaka ACEA. Markaðshlutdeild þess lækkaði í 3,8 prósent úr 4,1 prósent.
Hochgeschurtz sagði að samdráttur í sölu væri vegna skorts á flutningsgetu.
„Við áttum viðskiptavinina. Við áttum fullbúna bíla, en þeir komust ekki þangað,“ sagði hann.
„Flutningsvandamálin bitna harðar á magnframleiðendum en öðrum.
Flutningsgetan er aðeins takmörkuð vegna skorts á vörubílstjórum.“
Opel hefur boðið söluaðilum upp á að sækja bílana sjálfir úr milligeymslum.
Hochgeschurtz sagði að Opel væri nú sjálfbær arðbær eftir að hafa tapað í næstum tvo áratugi fram til ársins 2017.
Þetta tap féll undir fyrri eiganda, General Motors.
„Corsa er farsælasti smábíllinn í Þýskalandi. Glænýi Astra stendur sig einstaklega vel. Mokka er líka mjög eftirsóttur bill“, sagði hann.
Hochgeschurtz sagði að Opel muni einbeita sér að því að selja til markaða í Evrópu í framtíðinni og stækkun til Kína, sem stefnt var að undir stjórn fyrrverandi forstjóra Opel, Michael Lohscheller, sé út af borðinu.
„Kína er ekkert mál fyrir Opel í augnablikinu.
Við seljum suma bíla í Suður-Ameríku og munum auka útflutning okkar hvar sem skynsamlegt er að gera það.
Tyrkland og Norður-Afríka eru líka góðir markaðir fyrir Opel.
En kjarninn í vörumerkinu er Evrópa, þar á meðal Vauxhall í Bretlandi,“ sagði hann.
Hochgeschurtz, fyrrverandi yfirmaður Renault, Volkswagen og Ford, tók við af Lohscheller sem forstjóri Opel árið 2021 og var gerður að forstjóra rekstrarsviðs Evrópu hjá Opel móðurfélagi Stellantis á síðasta ári.
(frétt á vef Automotive News Europe)
