EV9 stóri rafmagnsjeppinn frá Kia frumsýndur 2023

EV9 stóri rafmagnsjeppinn frá Kia verður frumsýndur árið 2023

Sjö sæta Kia EV9 verður flaggskip rafmagnsbíla kóreska vörumerkisins

Við höfum áður séð ýmislegt á bílavefsíðum um væntanlegan Kia EV9, en þetta er í fyrsta skipti sem við sjáum opinberar myndir frá Kia af þessum nýja rafmagnsjeppa.

Kóreska fyrirtækið hefur einnig opinberað að EV9 verði frumsýndur í ársbyrjun 2023, en búist er við að hann komi á markað í Evrópu síðar á næsta ári.

Fjölskylduvæna flaggskipið EV9 Sást fyrst í hugmyndaformi á bílasýningunni í LA í fyrra og það lítur út fyrir að flest kassalaga hlutföll hugmyndabílsins verði flutt yfir á fullunna gerð.

„Þríhyrningslaga lofthönnun“ 22 tommu hjóla Concept EV9 hefur verið skipt út fyrir minna sett af felgum þegar kemur að framleiðslutilbúnu líkaninu.

Við höfum ekki séð inn í EV9 ennþá, en búast má við innblæstri frá hugmyndabílnum.

27 tommu breiðskjár væri einn stærsti skjár framleiðslubíls (samt minni en 31 tommu einingin í nýju BMW 7 seríunni) og hann situr hátt uppi á mælaborðinu.

Búast má við tiltölulega naumhyggjulegri hönnun í afturrými bílsins, með fáum „alvöru“ hnöppum.

Breytilegt innanrými

Í Concept EV9 getur farþegarýmið í raun breytt skipulagi sínu eftir því hver af þremur stillingum hans er valin.

Það er „Active Mode“ fyrir hefðbundna ökumannsmiðaða uppsetningu, á meðan „Pause Mode“ snýr fremstu og þriðju sætaröðinni við og breytir annarri röðinni í borð til að líkja eftir „fyrsta flokks setustofu“.

„Enjoy Mode“ lætur allar þrjár sætaraðirnar snúa að afturhleranum, sem opnast til að gefa farþegum „tækifæri til að tengjast ytra umhverfi“.

Þó að líkur séu á að hætt verði við að láta sætin snúast í bílnum, má reikna með að það verði úrval af stillingum til að breyta tilfinningu farþegarýmisins.

Stærri en Kia Sorrento

EV9 er 4.930 mm langur, 2.055 mm á breidd og 1.790 mm á hæð, stærri en Sorento sportjeppinn. Ekki er reiknað er með að EV9 muni víkja of mikið frá hugmyndabílnum.

Það kemur ekki á óvart að hann mun sitja fyrir ofan EV6 í framboði rafknúinna sportjeppa Kia og bjóða upp á þrjár sætaraðir, sem keppir við Mercedes EQB og væntanlega Hyundai Ioniq 7.

Rétt eins og Ioniq 7 sem er væntanlegur árið 2023, mun EV9 byggjast á einingamiðuðum E-GMP grunninum. Þetta þýðir að við gætum séð 77,4kWh rafhlöðu EV6 í EV9.

EV6 er með hámarksdrægni upp á 528 km, svo búast má við aðeins minni drægni í EV9 vegna stærðar og þyngdar ef þessi pakki er fluttur í Kia EV9. Auðvitað gæti Kia stækkað rafhlöðuna fyrir þessa stærri, þyngri og minna loftaflfræðilegu gerð, með stærra hjólhafi sem gefur svigrúm til þess í framtíðinni.

Rétt eins og EV6 ætti EV9 einnig að bjóða upp á tvöfaldan mótor, en 800V rafmagnsskipulag hans mun leyfa ofurhraðan hleðsluhraða eða allt að 350kW.

Concept EV9 er kjarninn í áætlun Kia um að „sjálfbærar hreyfanleikalausnir“.

Það miðar að því að ná kolefnishlutleysi í allri virðiskeðju fyrirtækisins fyrir árið 2045 – með flutningum, framleiðslu ökutækja, notkun þeirra og förgun.

(byggt á grein á vef Auto Express – Myndir: Kia)