- Volkswagen sækir um ný nöfn á bílum sem vörumerki – gæti einn verið pallbíll?
Volkswagen hefur sent inn nokkur vörumerki til þýsku einkaleyfa- og vörumerkjaskrifstofunnar, sem vísa til nafns á allt að sex væntanlegum gerðum.
CarBuzz uppgötvaði vörumerkjaumsóknirnar fyrir nöfnin Tivas, Tyber, Therion, Teria, Tarokko og Taroko. Í hverju tilviki voru umsóknirnar gerðar undir flokkaheitunum 12, 28, 35 og 37. Þessir flokkar ná yfir farartæki, leiki, leikföng, tölvuleiki, auglýsingar og bíla.
Það er ekkert óeðlilegt við skráningu í þessa flokka, þar sem VW er einfaldlega að tryggja að annar framleiðandi geti ekki notað eitthvað í líkingu við þessi nöfn á ökutæki án þess að greiða leyfisgjöld.
Myndir af Tarok hugmyndabílnum frá VW
Aðeins tvær af vörumerkjaumsóknunum eru óljóst kunnuglegar; Tarokko og Taroko. Volkswagen töfraði heiminn með Tarok pallbílshugmyndinni árið 2018, en hann fór aldrei í framleiðslu.
Þar sem flokkur minni pallbíla verður samkeppnishæfari með hverjum deginum, gæti VW hafa skipt um skoðun og nafn bílsins.
(AutoSpies og CarBuzz)
