Mark nokkur Perkins, hefur lengi verið bíladellukarl, já alveg síðan hann man eftir sér. Árið 1988 eignaðist hann fyrsta (athugið: fyrsta!) Batmobil-inn sinn sem hann keypti í Ameríkunni stóru og flutti til Englands. Síðan þá hafa bæst nokkrir bílar í safnið, ekki bara Batmobil-ar heldur alls konar spes ökutæki.
Í dag rekur hann það sem kalla mætti „skrítnubílaleigu“ því það er fyndið. Bílarnir, sem tilheyra bílaleigunni Character Cars, hafa flakkað víða; verið sýndir á sýningum í Evrópu og Asíu svo dæmi sé tekið.
Vinsælast er þó að leigja bílana, enda er þetta bílaleiga, fyrir útskriftarveislur, afmæli (tjah, kannski ekki smábarna en hvað veit maður) og brúðkaup. Í sumum tilvikum, þegar mjög sérstakir bílar eru leigðir í brúðkaup grunar mann að brúðurin hafi ekki verið höfð með í ráðum en það er vonandi ekki rétt. En það gæti verið flókið að klöngrast upp í suma bílana í einhverju kjólgopa…
Myndirnar eru allar af Instagram-síðu Character Cars sem og þar er mun fleira að sjá, hafi menn áhuga.
Byrjum á því nýjasta en það er frá því í desember sl. Uber-eats (heimsendingarþjónusta Uber) fékk DB5, Bond-bílinn fína, og Batmobile að láni til að sprella í viðskiptavinum. Forsíðumyndin er önnur tveggja úr Uber-Eats verkefninu. Hér er hin:
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
