Enn einn spennandi frá Hyundai
- Nýr Hyundai Bayon 2021 til að sitja fyrir neðan Kona á sviði sportjeppanna
- Þessi nýi Hyundai Bayon jeppi mun deila fullt af hlutum með i20
Söluhæstu gerðir Hyundai eru sportjeppar og crossover-bílar og nú hefur kóreska vörumerkið opinberað að það ætli að bæta við einum í viðbót í framboði sínu. Auto Express á Bretlandi segir okkur í dag að nýja gerðin, sem kallast Hyundai Bayon, muni koma til Bretlands um mitt ár 2021 sem ný „grunngerð“ í crossover-sviði framleiðandans.
Vefurinn birti í dag myndir af Bayon, sem mun vera byggður á sama grunni og nýjasti i20-bíllinn, svo hann mun sitja fyrir neðan Kona í núverandi línu Hyundai.
Enn á eftir að staðfesta opinberar upplýsingar um nýja bílinn en búist er við því að Bayon deili undirvagni og aflrás með i20. Litli fólksbíllinn er nú með aðeins bensínvélum, 83 hestafla 1,2 lítra fjögurra strokka vél og túrbó 1,0 lítra þriggja strokka mildan tvinnbíl, með annaðhvort 99 hestöfl eða 118 hestöfl.
Þættir í innanrými i20, eins og áberandi fjögurra arma stýri og átta tommu upplýsingakerfi, verða fluttir yfir í nýja crossover-bílinn, eins og njósnamyndir hafa sýnt. Flagsskipsútgáfa nýja bílsins ætti einnig að vera með nýjustu upplýsingakerfi Hyundai, sem er með tvo 10,25 tommu stafræna skjái – einn fyrir mælaborðið og einn til að sjá um miðla og leiðsögukerfi.
Í bili er eina opinbera myndin sem við höfum af Bayon skuggamynd sem sýnir afturhlera og hönnun afturljósa. Hyundai fullyrðir einnig að Bayon verði meira en bara uppfærður i20 í einhverri plasthlífarklæðningu. Talsmaður vörumerkisins sagði okkur að fyrir utan afturhurðir, þá verði hvert annað atriði í útliti nýja crossover-bílsins nýtt.
Kynning á Bayon gefur einnig Hyundai tækifæri til að gera tilraunir með næstu kynslóð Kona því þegar Bayon kemur á markað á næsta ári munu báðir bílarnir berjast um svipaða viðskiptavini.
Þegar Kona verður skipt út eftir um það bil þrjú ár mun sá bíll fara sömu leið og Tucson og Santa Fe og vaxa að stærð fyrir næstu kynslóð. Hyundai vonar að þetta muni bæta úr mestu gagnrýni jeppans: þröngt pláss í aftursætum og lítið farangursrými.
Verður næsta kynslóð Kona aðeins rafknúin?
Hyundai hefur einnig gefið í skyn að möguleiki sé á að næstu kynslóð Kona verði aðeins rafknúin. Fyrirtækið seldi 3.500 eintök af núverandi Kona Electric í Bretlandi á síðasta ári, sem er um 30 prósent af heildarsölutölum bílsins – þannig að viðskiptatilfinningin fyrir slíkri ákvörðun er vissulega sterk.
Að gera Kona að bíl sem eðeins notar rafmagn myndi einnig veita nóg pláss fyrir Bayon í heildaruppstillingu kóreska fyrirtækisins þar sem Bayon notar aðeins bensín, áður en bann ríkisstjórnarinnar í Englandi á bílum með brennsluhreyfla tekur gildi árið 2030.
Andreas-Christoph Hofmann, aðstoðarframkvæmdastjóri markaðssetningar Hyundai, sagði um væntanlegan Bayon og sagði: „Hyundai er þegar mjög sterkt fyrirtæki á evrópska sportjeppamarkaðnum, hvað varðar framboð okkar á gerðum sem og söluárangur okkar.
„Með því að setja á markað nýja, viðbótargerð í B-stærðarflokki sem grunngerð í sportjeppalínu okkar,“ hélt hann áfram, „sjáum við frábært tækifæri til að taka enn betur eftir kröfum evrópskra viðskiptavina og auka tilboð okkar í mjög vinsælum flokki“.
(frétt á vef Auto Express og öðrum vefmiðlum)
