Einn af síðustu alvöru amerísku lúxusdrekunum

• Lincoln Mark V árgerð 1979. Mælir sýnir um 12.300 mílur.

• Orginal 400 ci Cleveland V8

• Orginal Ford C6 3-gíra sjálfskipting

• Orginal Ford 9 tommu öxull með 2.75 hlutföllum

• Orginal miðstöð/loftkæling

• Orginal vökvastýri

• Orginal vökvabremsur úr verksmiðju, diskar að framan og tromlur að aftan

• Leðurinnrétting með Cartier klukku

• Viðhaldsgögn fylgja bílnum

• Myndir til af bílnum nýjum

Lincoln Mark V er einn flottasti bílinn frá áttunda áratugnum. Kúpubakslag bílsins gerir hann afar flottan í útliti og það er gert út á smáatriðin. Þetta er bíll sem seint fer úr tísku enda lúxusbíll alla leið.

Lakkið er að mestu orginal en þó er aðeins búið að eiga við það á nokkrum stöðum svona eins og gerist og gengur – en bíllinn hefur ekki tjónast að neinu leyti – aðallega eitthvað nudd frá því hann var í daglegri notkun.

Eigendasagan er vel skjalfest. Bíllinn var pantaður nýr frá Stu Evans Lincoln í Southgate, Michigan, og var afhentur Edward Lewandowski, íbúa í Wyandotte, Michigan sem einnig starfaði sem framkvæmdastjóri hjá Ford. Ed hélt bílnum í frábæru ástandi í rúm 25 ár en seldi hann árið 2004. Eigandi númer tvö, íbúi í Vancouver, B.C., átti bílinn í 10 ár.

Eigandi númer þrjú seldi bílinn næstum eins hratt og hann keypti hann, þar sem hann nefndi kaupin við vin sinn, eiganda númer fjögur, sem hafði alltaf langað í stóran Lincoln. Núverandi eigandi er númer fimm, íbúi í Norður-Karólínu en hann fann bílinn hjá RK Motors.

Í dag er bíllinn í frábæru ástandi, þökk sé toppviðhaldi og umönnun fyrri eigenda.

Lincoln Mark V, framleiddur árið 1979, er lúxus kúpubakur sem var hluti af Mark seríunni í Lincoln deild Ford Motor Company. Hér eru nokkrar helstu upplýsingar um Lincoln Mark V frá því ári.

Mark V var með áberandi og djarfa hönnun, sem einkennist risastóru húddi, áberandi framgrilli og lóðréttum framljósum. Boddíið er stórt og kantað og gefur bílnum stílhreint og afar huggulegt yfirbragð lúxusbíls.

Þetta er einn stærsti tveggja dyra kúpubakur sem framleiddur hefur verið, rétt um 5.8 metrar að lengd og vó um 2,268 kíló. Innanrými var prýðilegt og þótti bíllinn afar góður í akstri.

Vélarkostir: Lincoln Mark V 1979 var fáanlegur með tveimur vélakostum:

• 400 ci (6.6 lítra) V8 vél: Þetta var hefðbundin vél sem framleiddi um það bil 159 hestöfl.

• 460 ci (7.5 lítra) V8 vél: Þessi valfrjálsa vél bauð upp á meira afl og gafi um 208 hestöfl.

Lincoln Mark V kom venjulega með þriggja gíra sjálfskiptingu sem þótti silkimjúk.

Lincoln Mark V var þekktur fyrir lúxus og dýra eiginleika. Sérlega flott innrétting var í bílnum með þægilegum sætum bólstruðum í velúr eða leðri, rafmagnsgluggum og læsingum, rafstillanlegum sætum, loftkælingu og ýmsum topp eiginleikum.

Mark V árgerð 1979 var boðin í sérstakri útgáfu sem kallast Cartier Designer Series. Hún bauð uppá einstaka stílþætti, sérstakan málningarlit og Cartier-merkta klukku á mælaborðinu. Þessi útgáfa átti að ýta undir persónulegan stíl og glæsileika.

Bíllinn var nokkuð vinsæll á líftíma sínum, en 1979 var síðasta framleiðsluár bílsins. Bílnum var mjög vel tekið af lúxusbílakaupendum og þykir klassík í bandarískri bílahönnum.

Lincoln Mark V frá 1979 er mjög eftirsóttur klassískur bíll í dag fyrir áberandi stíl og lúxuseiginleika. Hann er nokkuð vinsæll meðal bílasafnara sem kunna að meta lúxus og fágað útlit.

Kjartan Sveinsson húsateiknari og þvottastöðvareigandi átti svona bíl. Þetta eintak þótti afar flott og ég man eftir bílnum nýjum þegar hann kom. Hann vakti verðskuldaða athygli á götum borgarinnar árið 1978. Upphafsstafir Kjartans voru málaðir á bílinn.

Við grípum hér niður í bút af viðtali við Kjartan Sveinsson sem birtist í Morgunblaðinu þann 8. október 2003.

Viðtalið tók Ásdís Ásgeirsdóttir.

Litur bíls Kjartans var blár eins og þessi.

„Kjartan Sveinsson er einn þekktasti húsateiknari landsins og hann á líklega einn fágætasta bíl landsins, Lincoln Continental Mark V Diamond Jubilee Edition, sem skreyttur er ekta demöntum í hliðargluggum. Bíllinn var smíðaður í tilefni af 75 ára afmæli Ford og átti að verða safngripur.

Í hliðum bílsins eru sporöskjulagaðar rúður og í þeim eru innbyggðir demantar til að minna á demantsafmælið. “Þegar ég keypti bílinn nýjan 1978 vissi ég ekkert af þessu.

Mér skilst að aðeins hafi verið framleiddir 500 svona bílar og þessi bíll var mjög framarlega í framleiðslunni. Talað var um að þetta væri eini bíllinn af þessari gerð í Evrópu.

Bíllinn hefur veitt mér óskaplega mikla ánægju og ég hef ferðast mikið á honum. Þó er hann ekki mikið keyrður, aðeins um 250.000 kílómetra,” segir Kjartan.“

Kjartan Sveinsson lést árið 2014, 88 ára að aldri.