Það getur verið erfitt að aka með opnar dyr á bílnum. Sérstaklega á mikilli ferð; t.d. í ralli. Það virðist þó hafa gefið ökumanninum Henk Lategan byr undir báða vængi því þannig ók hann til sigurs í dag í Dakar rallinu sem fram fer í Sádi-Arabíu.
Það var því með allt galopið sem Suður-Afríkumaðurinn Henk Lategan skaut Sébastien Loeb ref fyrir rass og náði af honum einni mínútu og fimmtíu og átta sekúndum. Segir á síðu keppninnar að Lategan hafi oft verið með eindæmum óheppinn og hreinlega hefi stundum verið eins og óheppnin elti hann, allt frá því í Dakar rallinu á síðasta ári.
Mitt ráð til þeirra, sem eltir eru af ógæfunni, er einfaldlega að stinga hana af með því að aka nógu hratt! En að öllu gamni slepptu þá var Lategan harla kátur þegar hann vann í dag. Og til að fyrirbyggja allan misskilning þá keppir Lategan ekki í opnum flokki heldur almennum bílaflokki.
Svona er staðan í bílaflokki eftir daginn:
Og í heildina er þetta staðan:
Hér má skoða stöðuna í öllum flokkum.
Í stuttu kynningarmyndbandi á þremur efstu ökumönnum dagsins sést í lokin hvar Toyotan hans Lategan opnast:
Það er alltaf gaman að sjá áhorfendur í góðum gír, en þessi kom og heilsaði upp á keppanda í mótorhjólaflokki, og ekki nóg með það því hann fékk mynd af þeim saman og komst í „In-car“ myndband dagsins. Ef vel fer mun þetta bros bræða heiminn og gera hann að betri stað:
Örlítið „In-car“ frá keppnisdeginum:
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
Umræður um þessa grein