- Í sönnum Dacia stíl mun Bigster undirbjóða marga álíka stóra fjölskyldujeppa
Við sáum nýja Bigster frá Dacia í hugmyndaformi í fyrsta sinn árið 2021 og loksins getum við séð að sportjeppa-flaggskip fyrirtækisins er að koma á markað og Auto Express á Bretlandi er að fjalla um nýja bílinn og sýna ágætar myndir af honum.
Forpantanir á Bigster hafa þegar opnað á Bretlandi og blaðamenn Auto Express hafa meira að segja pælt í millistærðarjeppanum í stúdíói.
Ekki er búist við að afhending nýja bílsins til viðskiptavina í Bretlandi hefjist fyrr en í maí og fjármögnunartilboð eru ekki tiltæk ennþá.
Dacia segir að söluaðilar muni gefa nánari upplýsingar í mars til að staðfesta pantanir.
Þrátt fyrir að vera efsta módelið í Dacia línunni er verðlagning Bigster áfram góð. Grunngerðin Expression kostar frá 24.995 pundum (4.422.350 ISK) og jafnvel hágæða blendingsútgáfan mun kosta minna en 29.500 pund (ISK 4.336.500) – sem er undir 30.000 punda (ISK 5.307.900) grunnverði Nissan Qashqai.
Bigster kostar líka minna en nokkrir aðrir lykilkeppinautar, eins og Kia Sportage og Ford Kuga, en upphafsverð hans samsvarar MG HS sem spilar mikið á hagkvæmni. Bigster nær þessu þrátt fyrir að vera stærsta og dýrasta gerðin sem Dacia hefur sett á markað til þessa.
Kaupendur geta valið um þrjú útfærslustig – Expression, Journey og Extreme (Bigster er ekki með ofureinfaldri „Essential“ útfærslu Duster) – og þremur tvinndrifnum.
Expression gerðir verða með 10,1 tommu miðlægum snertiskjá, þráðlausri Apple CarPlay og Android Auto tengingu, sjö tommu stafrænum mælaborðsskjá, tveggja svæða loftkælingu, 40:20:40 skiptan afturbekk, bílastæðaskynjara að framan og aftan, bakkmyndavél, 17 tommu tígulskorin álfelgur og fjórar„You Clip“ festingar fyrir aukahluti.
Auk þess eru fullt af öryggiseiginleikum um borð, eins og umferðarmerkjaskynjun með hraðaviðvörun, hraðastilli, viðvörun um akreinaskipti, aðstoð við að halda sig innan akreina, viðvörun ökumanns, háþróuð neyðarhemlun og neyðarkallskerfi.
Uppfærsla í Journey innréttingu kostar 26.245 pund og bætir við 19 tommu felgum, 10,1 tommu mælaskjá, rafdrifnum afturhlera, hita í stýri, hita í framsætum, öðru sætisáklæði, þráðlausum hleðslupúða snjallsíma, háugeisla aðstoð ökuljósa og rafstillanlegum hliðarspeglum.
Extreme búnaðarstigið, sem verður fáanlegt frá £ 26,495, miðar meira að aðdáendum ferðalaga utan alfaraleiða. Hann fær mest af sama búnaðarstiginu eins og hinara gerðirnar, en bætir einnig við 18 tommu álfelgum, breytanlegum þakbogum, sætaáklæði sem má þvo og gúmmígólfmottum, ásamt víðáttumikilli sóllúgu og brúnum koparlituðum áherslum.
Tvö efstu búnaðarstigin munu hafa möguleika á tvílitu svörtu þaki, til að mótast við þá sex málningarliti sem verða í boði, þar á meðal Indigo Blue, sem er eingöngu fyrir Bigster.
Vélarúrvalið hefst með TCe 140: 1,2 lítra þriggja strokka túrbó bensínvél með 48V mild-hybrid tækni og sex gíra beinskiptingu. Þessi samstæða framleiðir 138 hö og er með 230 Nm togi – nóg fyrir 0-100 km/klst á innan við 10 sekúndum – og Dacia segir að hann geti notað allt að 4,61 lítrum á 100 km.
TCe 130 4×4 er með sömu milda blendings bensínvélinni, en með 128 hestöfl í boði og fjórhjóladrifi. Það eru líka fimm akstursstillingar fyrir mismunandi landslag: Auto, Eco, Off-Road, Mud/Sand og Snow. Hann er aðeins fáanlegur í Expression og Extreme trim og kostar 2.200 pundum meira en með staðalgerð vélar.
Að lokum er það Hybrid 155 aflrásin. Þessi uppsetning notar 1,8 lítra fjögurra strokka bensínvél og sex gíra sjálfskiptingu, sem virkar ásamt einum aðalrafmótor, aðskildum startara og 1,4kWh rafhlöðu. Samanlagt afl er 153 hestöfl, en rafmótorinn gefur allt að 205 Nm af togi.
Bigster Hybrid, sem er fáanlegur frá 27.995 pundum, er fær um að skila allt að 3,91 l/100 km, segir Dacia, og getur eytt allt að 80 prósentum tímans í að keyra í bænum á hreinni raforku.
Á þessari stundu liggur ekki fyrir hvenær Bigster kemur til Íslands.
(byggt á frétt á vef Auto Express)
