BYD frá Kína hlýtur 5 stjörnu evrópska öryggiseinkunn fyrir rafjeppa

BYD frá Kína hlýtur 5 stjörnu evrópska öryggiseinkunn fyrir rafjeppa

BYD Atto 3 fékk fimm stjörnu Euro NCAP öryggiseinkunn en Citroen C5 X sem smíðaður er í Kína og Renault Mobilize Limo fengu fjögurra stjörnu einkunnir.

LONDON – Reuters: BYD fékk eftirsótta fimm stjörnu Euro NCAP öryggiseinkunn fyrir rafknúinn Atto 3 crossover, nýjasta kínverska bílaframleiðandann til að hljóta toppeinkunn þar sem hann leitast við að hasla sér völl á samkeppnishæfum bílamarkaði í Evrópu.

Einkunnir frá European New Car Assessment Program (NCAP) eru ekki bindandi, þar sem það vottar ekki ökutæki til notkunar á vegum. En evrópskir neytendur gefa gaum að öryggisprófunum Euro NCAP og bílaframleiðendur markaðssetja mjög góðar einkunnir.

BYD leitast við að festa sig í sessi í Evrópu og hefur gefið upp bráðabirgðaverð fyrir þrjú rafknúin ökutæki sem verða afhent í sex Evrópulöndum.

Vatt, dótturfyrirtæki Suzuki á Íslandi, hefur þegar hafið sölu á sendibíl frá BYD, og eins og við höfum áður fjallað um hér á vefnum þá eru fólksbílar BYD líka væntanlegir til landsins, ekki er vitað á þessari stundu hvenær það verður.

Atto 3 verður seldur á 38.000 evrur ($36.480), en tvær meðalstærðargerðir, Tang jeppinn og Han fólksbíllinn, hafa verið verðlagðar á 72.000 evrur.

Í síðustu viku sagði þýska bílaleigafyrirtækið Sixt að það hefði skuldbundið sig til að kaupa um 100.000 rafbíla frá BYD á næstu árum.

Í þessari viku setti BYD á markað Atto 3 á Indlandi, en bíllinn er seldur í Kína sem Yuan Plus.

Keppinautar framleiddir í Kína

Tveir aðrir kínverskir bílar – Citroen C5 X, smíðaður af samstarfsfyrirtæki Stellantis og Dongfeng, og Mobilize Limo, rafknúinn fólksbíll frá Renault, ásamt Jiangling Motors, fengu báðir fjögurra stjörnu einkunnir.

Í síðasta mánuði fékk kínverski keppinauturinn Great Wall Motor fimm stjörnu einkunnir fyrir Coffee 01 tvinnjeppa sinn frá WEY vörumerkinu og fyrir Funky Cat rafbíl frá ORA vörumerkinu.

EQE rafbíll Mercedes-Benz var meðal annarra bíla sem fengu fimm stjörnu einkunn á miðvikudaginn.

Ökumannsaðstoðarkerfi ökutækisins – þar á meðal eitt sem færir bílinn yfir á hægustu akrein á þjóðvegi og stöðvast ef ökumaður bregst ekki við – gerði það að verkum að bíllinn hefur fengið hæstu einkunnina hingað til fyrir aðstoð við akstur, sagði Euro NCAP.

(frétt á vef Automotive News Europe)