BMW CE 04 rafknúin „vespa“ sýnd
- Tilbúin til framleiðslu, fer í sölu á næsta ári
- Hjólið mun hafa um 130 kílómetra drægni og 120 km hámarkshraða
BMW CE 04 rafmagnsmótorhjól eða með notagildi sem líkist hugsanlega frekar „vespu“ er komin í endanlegan framleiðslubúning.
Að sjálfsögðu er rétt að taka fram að hugtakið „vespa“ er hugverkavarin ítölsk hönnun, svo hér er þetta bara nefnt til samlíkingar.
BMW sýndi hugmyndina að CE 04 í fyrra en núna er komið í ljós að þetta stílhreina létta mótorhjól hefur breyst í alvöru framleiðsluútgáfu mótorhjóls.
Hönnunin er að mestu leyti svipuð því sem BMW sýndi áður. Útlit hjólsins og önnur smáatriði eru ekki alveg eins, en samt lítur það út eins og hugmyndin gerði. Það er af hinu góða, þar sem CE 04 rafmótorhjólið er ein af meira aðlaðandi hönnun mótorhjóls af þessum toga sem við höfum séð.
BMW sendi frá sér ítarlegar tæknilýsingar til viðbótar fullt af myndum af hjólinu. Rafmótorinn sem er einn, situr lágt í grindinni, er 42 hestöfl og togið er 60 Nm. Það er nóg fyrir 120 km hámarkshraða, svo að þetta létta rafmótorhjól getur verið í stuttan tíma á þjóðvegi auk þess að vera flott innanbæjar.
Hröðun í 50 km/klst er sögð sláandi þar sem hjólið kemst á þann hraða á aðeins 2,6 sekúndum.
Að komast alla leið frá 0-100 km/klst tekur talsvert lengri tíma, sem BMW heldur fram að sé hægt að gera á 9,2 sekúndum.
8,9 kWh rafhlöðupakki gefur um 130 kílómetra áætlaða drægni á fullri hleðslu. BMW notar loftkælikerfi til að stjórna hitastigi rafhlöðunnar.
Hleðsla er hámark á stigi 2. BMW segir að ef þú notar 6,9 kW hleðslukapalinn sem þú getur fengið aukalega, geturðu fengið 0-100% hleðslu á 1 klukkustund og 40 mínútum. Dæmigerðar hleðsluaðstæður sem er um 20-80% hleðsla, sem BMW segir að taki aðeins 45 mínútur með sömu aðferð.
Aksurslagið hefur að sjálfsögðu talsvert að segja um orkunotkunina. Þú getur valið á milli aksturstillinga og fengið þannig svipaða upplifun sem fæst þegar verið er að keyra rafknúin ökutæki með endurnýjunarhemlun.
ABS er staðalbúnaður, en „ABS Pro“ er valfrjálst – Pro valkosturinn bætir við sjálfvirka hemlastýringu þegar hallað er í beygju.
ASC miðstýringarkerfi spólvarnar BMW kemur á CE 04. Það starfar á svipaðan hátt og á hjólum BMW með brunahreyfli. Valfrjálst „Dynamic Traction Control“ kerfi er aukabúnaður til viðbótar ASC sem hjálpar enn frekar hröðun í halla og beygju.
CE 04-hjólin koma með stórum 10,25 tommu HD skjá sem inniheldur leiðsögukerfi og snjallsímatengingu. Fullt af öðrum fínum búnaði er líka í boði.
Premium pakki bætir við áðurnefnd hemlunar-/spyrnukerfi, auk aðlagandi LED-framljósa, upphitað sætis og viðbótar „Dynamic“ akstursstilling fyrir betri hröðun. Hægt er að velja á milli Magellan Gray Metallic litar sem sést hét á myndunum og sem er aukabúnaður, en hvítt ytra þema er staðallitur.
Samkvæmt Autoblog byrjar verðið á CE 04 á 11.795 dollurum ( um 1,5 millj. ISK) og BMW segir að það muni fara í sölu á fyrsta ársfjórðungi 2022.
(frétt á Autoblog – myndir frá BMW)
