BMW „Neue Klasse“ sem kemur 2025

BMW „Neue Klasse“ sem kemur 2025

Svona gæti rafmagnsbíllinn litið út

Árið 2025 kemur fyrsti BMW rafbíllinn byggður á „New Class“ grunninum.

Forstjórinn Zipse lofar gerð sem verður „viðmið“ á margan hátt.

Áætlað er að forframleiðsla á fyrstu BMW gerðum byggðum á nýjum rafknúnum grunni framleiðandans í München hefjist haustið 2024.

Þetta var tilkynnt af Oliver Zipse forstjóra BMW í júlí 2022. Árið 2025 ætti frumgerðin sem byggist á áætluninni sem ber nafnið „Neue Klasse“ („nýi flokkurinn“) að koma til söluaðila og viðskiptavina.

Hann á að vera fjögurra dyra bíll í milliklassa stærð og með klassísku fólksbílasniði.

BMW gaf samsvarandi horfur í byrjun janúar 2023 á raftækjakaupstefnunni CES í Las Vegas með hugmyndarannsókninni iVision Dee (sem Bílablogg var að fjalla um á dögunum).

Þetta er ekki áþreifanlegt sýnishorn af fyrstu gerð sem byggð er á nýja grunninum, segir forstjóri BMW, Oliver Zipse, samkvæmt sérfræðitímaritinu „Automotive News“.

Engu að síður gefur það fyrstu vísbendingar um hönnun bílsins og þess vegna notaði grafíski hönnuðurinn okkar hann sem grunn fyrir nýja línu okkar hjá BMW.

Endurtúlkun á helsta einkenni BMW – tvöfalda nýranu

iVision Dee og fyrstu kynningarmyndirnar bentu þegar til endurtúlkunar á tvöföldu nýra BMW.

Lóðrétta staða nýrans í núverandi gerðum, sem væri tæknilega óþörf í rafbílum, gerir bílinn mikið breiðari í útliti sem markast af framljósunum.

Framendinn er styttri en á fyrri BMW bílum, A-stólpinn fer fyrr af stað og hækkar hægar af loftaflsástæðum. Hofmeister beygjan við hliðarglugga að aftan ætti að vera áfram en afturhlutinn fellur aðeins niður.

Tæknilega séð ætti fyrsta nýja gerðin að vera háfleyg, samkvæmt Zipse: “Við setjum viðmið hvað varðar drægni, hleðsluhraða og þyngd.

Ekki gleyma verðinu,” sagði forstjórinn á hliðarlínunni á CES til blaðamanna.

BMW bindur miklar vonir við nýju hring rafhlöðurnar sem nota á frá upphafi á smíði Neue Klasse eða nýja flokksins.

Þetta eru litíumjónarafhlöður sem geta notað litíumjárnfosfat (LFP).

Byltingarkenndur sprettiskjár

Stækkaði sprettiskjárinn (sem við viljum kalla skjáinn sem sýnir upplýsingar í sjónlínu ökumanns) sem sýndur er með iVision Dee, sem nær nánast yfir alla breidd framrúðunnar, var nefnd sérstaklega af Zipse á raftækjavörusýningunni. “Þetta er meira en framtíðarsýn. Við erum að koma þessari nýjung inn í “nýja flokkinn”, sagði hann í Las Vegas sem hluta af aðalræðu sinni. „Árið 2025 og árið eftir – munu viðskiptavinir okkar geta upplifað þessa algjörlega nýju tækni í farartækjum sínum.

BMW er meira að segja að íhuga að losa sig við stjórnklefann alfarið af nýju flokks kynslóðinni.

BMW í München vill fækka hnöppum og uppsetning stórra skjáa í bílinn heyrir til fortíðar, að sögn Zipse, samkvæmt Automotive News.

Þess í stað ætti raddstýring að gegna mikilvægara hlutverki.

Ýmsar rafdrifnar hugmyndir koma til greina

Með grunninum, sem er sérstaklega byggður á gerðum sjöunda áratugarins, sem kom BMW út úr djúpri kreppu á sínum tíma, er BMW að yfirgefa fyrri braut sína að undirbúa tæknihönnun fyrir mismunandi gerðir aksturs.

Öfugt við núverandi UKL (fram- og fjórhjóladrif) og CLAR (aftur og fjórhjóladrif) grunna, sem hvor um sig rúmar bruna-, tvinn- og hreint rafdrif, er nýi grunnurinn hannaður eingöngu sem rafdrifsgrunnur .

Hann ætti að hafa algjörlega endurskilgreindan upplýsingatækni- og hugbúnaðargrunn, nýþróað rafdrif og rafhlöðuframleiðslu og fullkomið sjálfbærnikerfi yfir allan lífsferilinn.

Rafrænir mótorar geta verið á báðum öxlum, sem gefur möguleika á drifi á öll hjól.

Það virðist jafnvel mögulegt að ásamt grunninum sé hægt að setja einn mótor á hvert hjól, sem myndi gera raunverulega átaksstýringu mögulega. BMW er nú þegar að prófa svoleiðis frumgerð.

„Neue Klasse“ líka með vetni?

Þróunardeild Munchen er einnig að skoða hvort hægt sé að samþætta vetnistækni inn í grunninn.

„Hann mun vera vetnishæfur, en það hefur ekki verið ákveðið að nota það í nýja flokknum,“ sagði Zipse á CES.

Að sögn forstjóra verður nýi grunnurinn að vera sniðinn að meðalstærðum bíla BMW. Í upphafi ætla BMW menn að hanna samsvarandi sportlegan jeppa til viðbótar við áðurnefndan fyrirferðarlítinn fólksbíl í sam stærðarflokki og BMW 3, sem Zipse talaði um þegar sumarið 2022.

Einnig hefur verið tilkynnt um rafknúinn stationbíl með sama sniði og BMW 3.

Hins vegar mun fjöldaframleiðsla hans hefjast síðar.

Í langan tíma hélt BMW fast við „Power of Choice“ (val á afli) stefnu sína: viðskiptavinir ættu að geta valið nákvæmlega það drif sem hentar best kröfum þeirra fyrir hverja gerð.

Það er óhjákvæmilegt að gera málamiðlanir þegar kemur að útliti og búnaði og þess vegna gerum við frumgerðir og þróum bíla okkar einn af öðrum en ekki alla í einu.

BMW er semsagt núna að setja nýja flokkinn á markað, grunn sem tekur aðeins við rafdrifum drifrásum.

Eftir um tvö ár þarf framleiðslubíllinn að sýna að Oliver Zipse forstjóri hefur ekki rasað um ráð fram í yfirlýsingum sínum.

(grein á vef Auto Motor und Sport)