Blæju- og coupé-bílar Benz fá nýtt nafn

Blæju- og coupé-bílar Benz fá nýtt nafn

• Nýr Mercedes CLE 2023 kemur í stað coupé- og blæjubíla Benz C-Class og E-Class

Blæjubílar og coupé-bílar eru ekki mjög algengir hér á landi, en því mun vinsælli í sumum nágrannalöndum okkar þegar menn horfa til sportlegra gerða. En núna ætlar Mercedes Benz að einfalda þetta og fækka bílum í framboði sínu, sem náði alls um 50 mismunandi gerðum árið 2020.

Og þetta er meðal annars gert með því að sameina nokkrar gerðir undir einu merki: Mercedes CLE, nafn sem þýska vörumerkið hefur átt um tíma, en endurnýjaði nýlega einkarétt sinn á því nýlega.

Marcus Schafer, rannsóknar- og þróunarstjóri Mercedes, benti fyrr á árinu á að framboð vörumerkisins á blæjubílum væri nokkuð „mikið“, þar sem bílar sem nýlega var hætt með, SLC, C-Class Cabriolet og E-Class Cabriolet hefðu allir verið að keppast um pláss á markaði sem er ekki er að gefa mikið af sér peningalega.

Samt sem áður viðurkenndi Schafer að frá sjónarhóli vörumerkis séu coupé-bíla og blæjubílar mikilvægir; fyrir úrvalsbílafyrirtæki eins og Mercedes.

„Við viljum einbeita okkur að þessum gerðum,“ útskýrði hann. „Þær hafa sinn sess og tilgang. Þess vegna ætlum við að sníða nákvæmlega rétta ökutækið í þessum flokki. Það er meira að gerast á coupé og blæjubíladeildinni í þessum hluta markaðarins en það mun taka aðeins meiri tíma áður en við getum talað um það. “

Áður en nýi CLE kemur árið 2023 mun vörumerkið þróa nýjan SL í fullri stærð sem sportlegri og markvissari gerð með því að nota nýjan grunn þróaðan af AMG.

Samkvæmt vef Auto Express eru tæknilegar upplýsingar enn óþekktar á þessu stigi og langt er enn í frumsýningu á CLE – það er enn von á nýjum SL sem kemur fyrst, seinna á þessu ári, ef marka má fréttir.

Hins vegar er líklegt að CLE verði byggður á sama MRA-2 grunni og nýr C-Class og S-Class, frekar en nýrri AMG-hönnun SL. Sveigjanleiki MRA-2 þýðir að fjögurra og sex strokka vélar er mögulegar, og með því höfðað til líklegra kaupenda CLE.

Nýjasti C-Class er aðeins fjögurra strokka og mikið af CLE framboðinu verður það líka. Gert er ráð fyrir að næsta C 63 gerð muni vera með nýrri afkastamikilli fjögurra strokka tvinnvél sem er fengin úr M139 2,0 lítra túrbóvélinni sem notuð var í A 45. Stærri S-Class, einnig á MRA-2 grunni, gæti fengið 3,0 lítra túrbó sex strokka línuvél með 48 volta mildri tvinnaðstoð, ef Mercedes telur að sex strokka valkostur verði nauðsynlegur.

Þó að bíllinn sem Auto Express sýndi á sínum vef með þessum njósnamyndum sé fjögurra sæta blæjugerð, þá býst Auto Express við að það verði líka til coupé-útgáfa af CLE með föstu þaki, þó líklegt sé að gerðirnar verði aðeins tvær, þar sem engin plön séu í gangi um að nýr meðalstór fjögurra dyra coupé-bíll komi til með að lenda á milli CLA og CLS.

(byggt á frétt á vef Auto Express)