Bíltúr: Audi RS3 árgerð 2018
Bíltur er nýr bálkur hjá okkur í Bílablogginu. Fyrsti bíltúrinn okkar var farinn um nýliðna helgi og var farskjótinn Aud RS3 árgerð 2018. Eigandinn er Kristinn Soffanías Rúnarsson sem hefur um árabil átt Audi bíla. Við hittumst uppí Norðlingaholti og tókum rúnt um Hellisheiðina og það verður að segjast að þessi knái bíll kom á óvart.
Krafturinn er nægur undir húddinu á Audinum, mótorinn er 2.5 lítra 5 strokka og skilar um 400 hestöflum – það er ekkert smá afl fyrir svo lítinn og tiltölulega léttan bíl. Grunnur þessa bíls er byggður á MQB grunni Volkswagen sem Audi TT og VW Tiguan deila.
Þetta layout er byggt á framdrifsgrunni þar sem vélin er hugsuð þversum í bílnum, fyrir framan framöxul. Sú byggingartækni gerir Audi bílinn framþungan en það virðist þó ekki saka að 60% af þyngdinni sé á framhluta bílsins. Audi RS3 er með hinu víðfræga Quattro fjórhjóladrifi sem dreifir aflinu á milli hjólanna eftir átaki vélarinnar.
Audi RS3 árgerð 2018
Fjöldi strokka: 5 í línu.
Rúmtak: 2.5L.
Hestöfl: 400.
Tog: 480Nm.
Skipting: Audi S-Tronic (VW DSG), 7 gíra dual-clutch.
Fjöðrun: “Mag-ride”. Segulsviðsstýrðir demparar með stillanlegum stífleika.
Eyðsla í blönduðum: Fylgist ekki með því af ásettu ráði (en það er um 13-14 pr. 100km).
Upptak: Frá 0-100 km.: 4.0 sek. samkvæmt Audi.
Nokkar laufléttar
Kústur eða svampur?
Svampur
Handbón eða þvottastöð?
Þvottastöð!
Má borða ís með dýfu og kurli í bílnum þínum?
Já, ef þú ert stopp og situr í bílstjórasætinu
Áttu radarvara?
Ég kýs að tjá mig ekki um það, neita hvorki né játa
Hvaða bóni mælir þú með?
Mæli með bóninu sem var sett síðast á bílinn
Heilsárs eða nagladekk?
Heilsárs í Reykjavík. myndi alltaf vilja nagladekk þegar farið er út fyrir 101
Uppáhalds bensínstöð?
Klárlega Olís í Borgarnesi, hef oft runnið þar inn á gufunum
Við hjá Bílabloggi þökkum Kristni Soffaníasi Rúnarssyni kærlega fyrir rúntinn.
?
Myndataka og klipping: Dagur Jóhannsson
Ljósmyndir: Dagur Jóhannsson og Kristinn Soffanías Rúnarsson
Umræður um þessa grein