– kynntu þér nýjan, alrafmagnaðan Volvo EX60
Volvo EX60 – nýr, alrafmagnaður jeppi sem breytir leiknum í stærsta rafbílaflokknum þegar kemur að drægni, hleðsluhraða, afköstum og verði.
Fimm sæta, fjölskylduvænn EX60 bindur endi á drægnikvíða, býður upp á byltingarkennda notendaupplifun og markar næsta stig í öryggi. Þetta er jafnframt fyrsta innkoma Volvo Cars í stærsta rafbílaflokk heims, sem gerir fyrirtækinu kleift að stórauka bæði markaðssvið sitt og hlutdeild á rafbílamarkaði.
„Nýr, alrafmagnaður EX60 breytir leiknum þegar kemur að drægni, hleðslu og verði og markar nýtt upphaf fyrir Volvo Cars og viðskiptavini okkar,“ segir Håkan Samuelsson, forstjóri Volvo Cars. „Með þessum bíl ryðjum við úr vegi síðustu hindrunum yfir í rafakstur. Þessi glæsilegi nýi bíll er einnig skýrt dæmi um hvað við erum fær um hjá Volvo Cars – með nýjum vörugrunni sem kynnir lykiltækni á borð við mega-casting, Cell-to-Body og kjarnatölvukerfi.“
EX60 kemst allt að 810 kílómetra á einni hleðslu í fjórhjóladrifinni útfærslu – drægni í fremsta flokki. Það gerir hann ekki aðeins að rafbílnum með lengstu drægni sem Volvo Cars hefur smíðað til þessa, heldur stenst hann einnig samanburð við nýjustu keppinauta sína og setur ný viðmið í sínum flokki.
Sama nálgun endurspeglast í hleðsluhraðanum. Það þarf einungis stutt kaffistopp til að hlaða hann og halda áfram ferðinni. Það er hægt að bæta við allt að 340 km drægni á aðeins tíu mínútum við 400 kW hraðhleðslu.
Með öðrum orðum breytir EX60 drægnikvíða í drægniöryggi og sýnir að rafakstur felur ekki lengur í sér málamiðlanir. Hönnun, verkfræði, vélbúnaður og hugbúnaður vinna saman að því að hámarka drægni og gera rafbíl sem stenst samanburð við marga bensínbíla.
EX60 er byggður á SPA3, nýjum rafbílagrunni Volvo Cars, og knúinn af HuginCore, kjarnakerfi fyrirtækisins. Grunnurinn setur ný viðmið í sveigjanleika, einingaskiptri hönnun, framleiðsluhagkvæmni og kostnaði.
Cell-to-Body tækni, ný kynslóð rafmótora þróaðra innanhúss, ný rafhlöðuhönnun og mega-casting stuðla öll að meiri orkunýtni, lengri drægni og minni þyngd. Þetta gerir EX60 einnig kleift að ná lægsta kolefnisspori sem alrafmagnaður Volvo hefur boðið, sambærilegu við EX30 – og gerir EX60 að enn betri kosti fyrir umhverfið.
Skandinavísk hönnun með tilgang
EX60 þróar skandinavískar hönnunarreglur Volvo Cars áfram inn í alrafmagnaða framtíð. Hann sameinar stílhreint, sjálfsöruggt og skilvirkt ytra byrði með náttúrulegum, vönduðum efnum að innan, sem skapa rólegt, fágað og fjölhæft rými með snjöllum geymslulausnum.
Lágur framhluti, hallandi þaklína og mjókkandi hliðar bæta loftaflfræðilega skilvirkni. Með loftmótstöðustuðlinum 0,26 rennur EX60 mjúklega í gegnum loftið og stuðlar að drægni í fremsta flokki.
Að innan skarar EX60 fram úr í rými og notagildi. Langt hjólhaf og flatt gólf skapa aukið fótarými í aftursætum, rúmgott farangursrými og fjölbreyttar geymslulausnir fyrir persónulega muni.
Fyrir tónlistarunnendur býður EX60 upp á 28 hátalara Bowers & Wilkins hljóðkerfi í hæsta gæðaflokki, nú í fyrsta sinn með hátölurum í höfuðpúðum allra fjögurra aðalsætanna. EX60 verður einnig fyrsti Volvo-bíllinn með Apple Music foruppsettu með Dolby Atmos, sem skapar djúpa og umlykjandi hljóðupplifun.
Snjall bíll sem þú talar við á eðlilegan hátt
EX60 er snjallasti Volvo-bíllinn til þessa, fullur af háþróaðri tækni sem einfaldar lífið undir stýri. Hann er knúinn af nýjustu útgáfu HuginCore, sem gerir bílnum kleift að hugsa, vinna úr upplýsingum og bregðast við. Kerfið endurspeglar nálgun Volvo Cars að mannmiðaðri tækni, þar sem innanhússþróun og samstarf við tæknileiðtoga á borð við Google, NVIDIA og Qualcomm fara saman.
EX60 er fyrsti Volvo-bíllinn með Gemini, nýjum gervigreindaraðstoðarmanni frá Google. Gemini er djúpt samþættur bílnum og gerir þér kleift að eiga náttúruleg og persónuleg samtöl, án þess að þurfa að muna ákveðin skipanir. Innleiðing Gemini endurspeglar langvarandi samstarf Volvo Cars og Google, sem og stöðu Volvo Cars sem leiðandi þróunaraðila og lykilvélbúnaðargrunns fyrir Android™ Automotive OS.
Notendaupplifunin er jafnframt sú hraðvirkasta sem boðist hefur í Volvo-bíl: skjáir bregðast tafarlaust við, kort hlaðast strax, raddstýring skilur farþega betur og allt flæðir hnökralaust – með skjótan aðgang að lykilvirkni.
Einn öruggasti bíllinn á markaðnum
Í anda Volvo Cars er EX60 einn öruggasti bíllinn á markaðnum, byggður samkvæmt ströngustu öryggisviðmiðum fyrirtækisins – langt umfram reglugerðir og einkunnakerfi.
Með stuðningi HuginCore greinir EX60 stöðugt umhverfi sitt með víðtæku neti skynjara og býr yfir skýrum og nákvæmum skilningi á aðstæðum í kringum bílinn.
Fjölaðlögunaröryggisbeltið er fyrsta sinnar tegundar í heiminum og verðlaunuð nýjung, veitir snjallari og persónulegri vernd í framsætum. Í kjarna öryggisbyggingar EX60 er öryggisgrind sem er styrkt með bórstáli. Að innan vinna háþróuð öryggiskerfi saman að því að veita sem besta vernd.
Að lokum er EX60 hannaður til að þróast með tímanum. Reglulegar hugbúnaðaruppfærslur yfir netið (OTA) tryggja að bíll sem er frábær frá fyrsta degi þróist áfram og verði enn betri með tímanum.
EX60 er nú fáanlegur til pöntunar á evrópskum mörkuðum. Sala í Bandaríkjunum hefst síðar í vor. Framleiðsla hefst í vor í bílaverksmiðju Volvo Cars í Svíþjóð og afhendingar P6 og P10 útfærslna hefjast í sumar, með P12 skömmu síðar.
EX60 verður fáanlegur á Íslandi með tveimur mismunandi aflrásum:
Koma til landsins frá ágúst 2026:
- Volvo EX60 Plus AWD allt að 660 km drægni
- Volvo EX60 Ultra AWD allt að 660 km drægni
Koma til landsins frá janúar 2027:
- Volvo EX60 Plus Performance AWD allt að 810 km drægni
- Volvo EX60 Ultra Performance AWD allt að 810 km drægni
- Verð frá: 10.890.000 kr.
Smáa letrið
- Framboð búnaðar og þjónustu getur verið mismunandi eftir mörkuðum og útfærslum.
- Drægnitölur eru bráðabirgðaniðurstöður byggðar á WLTP-prófunum. Raunveruleg drægni getur verið breytileg eftir aðstæðum.
- Hleðslutímar eru breytilegir og byggja á prófunum við 400 kW hleðslustöðvar fyrir P12 AWD útfærslu.
- Sérstök skilmálagilda fyrir ókeypis heimahleðslu eftir mörkuðum.
- Google, Android og Gemini eru vörumerki Google LLC.
- Apple Music krefst áskriftar.
