Bílakaupendur eru tilbúnir að skipta um vörumerki á grundvelli orðspors eingöngu

Rannsókn frá American Muscle: af hverju hættir fólk við að kaupa rafbíla?

Tvær meginástæður eru fyrir því að kaupendur hætta við að versla sér rafbíl. Hægt er að kenna bílaframleiðendum um aðra þeirra – en hin er flóknara mál.

Þar sem eftirspurn eftir rafbílum dvínar samhliða samdrætti væri auðvelt að segja að fólk sé ekki að kaupa bíla vegna varkárni í viðskiptum.

Ný skýrsla styður þá kenningu að einhverju leyti en bætir við samhengi um hvers vegna fólk er ekki að kaupa rafbíla. Efnahagslegur mótvindur spilar inn í, en helstu ástæður hafa meira að gera með umboð og innviði.

Hleðslunet á Íslandi er að þéttast þó það mætti gerast hraðar. Hleðslustöð ON við Jökulsárlón.

Rannsókn frá American Muscle leiðir í ljós að tvær helstu ástæður eru hleðsluinnviðir og upphafskostnaður. Að kaupa notað ökutæki er heldur ekki svarið, þar sem rannsóknin bendir á að 15 prósent kaupenda notaðra bíla segjast ætla að ganga frá kaupum á hærra verði en þeir settu sér sem viðmið.

Og ef þú heldur að vörumerkjahollusta skipti máli, þá gerir hún það ekki.

Kaupendur rafbíla hafa áhyggjur af kostnaði og innviðum

Tuttugu og tvö prósent fólks sem hefur áhuga á að kaupa rafbíl segjast fresta því vegna hærri kostnaðar og benda á að upphafskostnaður fæli þá frá því að kaupa. Ennfremur segja 20% að „skortur” á hleðslustöðvum fæli einnig frá.

Tæplega 20 prósent (einn af hverjum sex, samkvæmt American Muscle, svo um 17 prósent) bílakaupenda íhuguðu rafbíl á meðan þeir voru að skoða bíla hjá umboðunum en skiptu svo um skoðun á síðustu stundu.

Hér á landi hlaða margir rafbílaeigendur heima eða í vinnu.

Sextán prósent segja takmarkaða rafhlöðudrægni koma í veg fyrir að þeir kaupi rafbíl og 14 prósent segjast hafa áhyggjur af líftíma rafhlöðunnar og kostnaði við að skipta um hana, ef þyrfti.

11 prósent bílakaupenda segjast bara ekki hafa áhuga á rafbílum, en 23 prósent svarenda segjast myndu skipta yfir í rafbíl ef hleðsla væri jafn þægileg og að fylla tankinn á bensínstöð.

Önnur 58 prósent sögðu að hleðsluþægindi myndu gera gæfumuninn í að velja rafbíl, en 19 prósent sögðu að auðveldari hleðsla myndi ekki hafa áhrif á þá.

Af hverju fólk gengur í burtu

Á heildina litið segja 73 prósent kaupenda nýrra bíla að verðið sé of hátt. Fjörutíu og níu prósent þeirra sem vilja kaupa ICE (með brunavél) ökutæki segja mikil bensíneyðsla haldi þeim í burtu.

Aðrar ástæður fyrir því að fólk er ekki að kaupa nýja bíla eru leiðinleg akstursupplifun (49 prósent), óþægileg sæti (48 prósent), léleg innréttingarefni (42 prósent) og óhagstæðir fjármögnunarmöguleikar (40 prósent).

49% aðspurðra sem vilja kaupa bíla með brunavél segja að bílarnir eyði of miklu eldsneyti.

Þrjátíu og eitt prósent sögðu að bíllinn sem þeir vildu kaupa væri með „úrelt” upplýsinga- og afþreyingarkerfi (hér kemur Mazda fram í könnun) og 26 prósent sögðu að bíllinn væri með lélega hröðun (og Subaru hér). Öryggisbúnaður sem vantar, óaðlaðandi hönnun og takmarkað innra rými skipta einnig máli í ákvörðuninni um að kaupa ekki.

Kaupendur notaðra bíla eru enn vandlátari. Áttatíu og fjögur prósent segja að verðlagning sé of há og þeir sem vilja kaupa notað ökutæki eru 20 prósent líklegri til að ganga í burtu vegna lélegrar frammistöðu ökutækisins.

Þó að hver ástæða sem lýst er hér að ofan hafi verið með hærra hlutfall fyrir kaupendur notaðra bíla, sögðu 60 prósent kaupenda ekki hafa verið tilkynnt um fyrri skemmdir á notuðu ökutæki sem þeir voru að íhuga kaup á, sem olli því að þeir gengu í burtu.

Vörumerkjahollusta er ekki til (næstum því)

Fimmtíu og eitt prósent Tesla eigenda segjast vera tilbúnir til að skipta um vörumerki út frá orðspori vörumerkisins, sem er langmikilvægasta hlutfallið í þessari rannsókn.

Fjörutíu prósent Hyundai-eigenda myndu leita annað ef vörumerkið yrði fyrir höggi, sem og 37 prósent BMW ökumanna, 35 prósent GM eigenda og 33 prósent Kia aðdáenda.

Um 17 prósent (aftur, einn af hverjum sex) bílakaupenda eru tilbúnir að skipta um vörumerki á grundvelli orðspors eingöngu.

Orðspor vörumerkja er dýrmætt og oft auðvelt að skaða það með lítilli fyrirhöfn.

Þrjátíu og eitt prósent kaupenda voru tilbúnir að yfirgefa vörumerki hjá umboði þegar þeir skoðuðu ökutæki sem þeir töldu vanta lykileiginleika. 13 prósent kaupenda skiptu vegna takmarkaðra birgða og langs biðtíma eftir að fá bílinn sem þeir vildu.

Komandi rafbílatækni, eins og solid-state rafhlöður og framleiðsla rafhlöðupakka fyrir ökutæki, ætti að hjálpa til við að draga úr áhyggjum. Við viljum þó fullyrða að innviðir séu stærsta hindrunin og það er ekki eitthvað sem bílaframleiðendur geta auðveldlega leyst á landsvísu.

Þessi könnun er gerð á Bandarískum markaði. Ef við skoðum markaðinn á Íslandi er ef til vill margt líkt en sumt ekki. Hér stýra yfirvöld meira og minna hvernig bíla á að selja. Þeir einfaldlega hækka eða lækka opinber gjöld. Þú færð eingreiðslu upp á 900 þús. í „orkustyrk” ef þú kaupir hreinan rafbíl og PHEV bílar eru síðan hinn kosturinn.

Uppruni: Autoblog.com