Bentley slær tvær flugur í einu höggi með næstum aldar millibili
- Luku samtímis við “framhaldssmíði” á 1929 „Blower“og fyrsta ofurnútímalega Bacalar
Mulliner deildin hjá Bentley kláraði tvo sérsmíðaða bíla sem gátu ekki verið meira öðruvísi. Deildin kláraði fyrsta Bacalar, framúrstefnulega útlítandi „roadster“ byggðan á Continental GT, og samtímis luku þeir við fyrsta Blower framhaldsbílinn.
Hvor um sig eru bílarnir takmarkaðir við 12 eintök, Bacalar og „blásarinn“ eru sérsniðin verkefni fyrir viðskiptavinir hafa verið smíðaðir að miklu leyti í höndunum, þannig að það að ljúka við smíði fyrstu bílanna er góður áfangi. Bentley getur heldur ekki gefið upp hver maðurinn keypti er.
Fyrsti „blásarinn“ er málaður í „Birkin Green“ sem vísun til eins af upprunalegum „blásurunum“, sem var smíðaður af Sir Tim Birkin, sem einnig keppti á bílnum.
Teinafelgurnar eru einnig græna og blæjutoppurinn er svartur.
Eins og bíllinn frá 1929
Vélrænt er fyrsta framhaldblásarinn eins og bíllinn frá 1929, sem þýðir að hann er knúinn áfram af 4,4 lítra fjögurra strokka vél, en Bentley gerði örfáar litlar breytingar á bílnum vegna öryggis og þæginda. Í fyrsta lagi settu þeir rafdrifnar eldsneytisdælur og bættu skilrúmum í eldsneytistankinn.
Í öðru lagi bætti fyrirtækið við „dynator“, eða aflauka sem það lýsir sem „endurunnum valkosti við upprunalega kraftinn“. Allt inni í fjögurra strokka vélinni er endurgerð á upprunalegu vélinni, niður í álstimplana. Vélin er 240 hestöfl, sem var ótrúlegt árið 1929.
Aðeins meira um upprunalega „blásarann“
Bentley 4½ lítra bíllinn var breskur bíll byggður á undirvagni sem Bentley Motors smíðaði. Walter Owen Bentley skipti Bentley 3 lítra út fyrir öflugri bíl með því að stækka mótorinn í 4,4 lítra. Kappaksturs-gerðin var þekkt sem „Blower Bentley“.
Á þessum tíma lögðu þekktir bílaframleiðendur eins og Bugatti og Lorraine-Dietrich áherslu á að hanna bíla til að keppa á 24 tíma Le Mans, vinsælum þolakstri bíla sem komið var á fót nokkrum árum fyrr. Sigur í þessari keppni jók fljótt orðspor hvers bílaframleiðanda.
Alls voru framleiddir 720 4½ lítra bílar á árunum 1927 til 1931, þar af 55 bílar með mótor með forþjöppu sem almennt var kallaður Bentley „blásari“. 4½ lítra Bentley vann 24 tíma Le Mans árið 1928. Þrátt fyrir að 4½ lítra Bentley kappakstursútgáfan væri ekki framúrskarandi setti hún nokkur hraðamet, frægast Bentley blásari nr. 1 Monoposto árið 1932 á Brooklands-brautinni með skráðan hraða 222,03 km/klst.
Ofursportbíllinn
Aftur á 21. öldina og skoðum nýja ofursportbílinn. Þessi fyrsti Bacalar er með „Atom Silver“ útliti með mosgrænum og gljáandi svörtum ytri áherslum.
Hann er með 22 tommu felgur. Beluga -áklæði úr leðri eru allsráðandi í innanrýminu og eigandinn lét bæta við svörtu og grænu til að búa til sjónræna tengingu milli ytra og innra rýmis.
Bentley afhenti bílinn með leðurklæddum ferðatöskum og þeir settu lykilinn í kassa sem er klæddur með sama leðri.
W12- 650 hestöfl
Aflið í Bacalar kemur frá 6,0 lítra W12, með tveimur forþjöppum, sem skilar 650 hestöflum og 904 NM togi.
Aflið fer til fögurra hjóla umátta gíra sjálfskiptingu sem er tengd við skiptiflipa.
Þó að þetta sé núverandi aflrás, setti Bentley engu að síður Bacalar í gegnum viðamiklar endingarprófanir árið 2020.
Báðar gerðirnar eru á leiðinni á sitt nýja heimili. Bentley hafið gefið upp áður að Bacalar yrði seldur í Ameríku samkvæmt „Show and Display“ fyrrikomulagi, þannig að sumt af framleiðslulotunni mun líklega enda á Bandaríkjamarkaði. Í millitíðinni hafa karlar og konur í verkstæði Mulliner í Bentley þegar byrjað að smíða næstu þrjú eintökin í hvorri röð.
(frétt á Autoblog – myndir Bentley)
