Austurríki hækkar hvatagreiðslur við kaup á rafbílum

Austurríki hækkar hvatagreiðslur við kaup á rafbílum

Austurríki mun hækka fjárhagslegar hvatagreiðslur við kaup á rafknúnum bílum og reiðhjólum og þrefalda styrki til hleðslustöðva frá júlí í viðleitni sinni til að berjast gegn hlýnun jarðar.

Kaupendur rafbíla fá 5.000 evrur (777.000 ISK) í stuðning frá og með miðvikudegi, hækkun frá 3.000 evrum (466.000 ISK), sagði Leonore Gewessler, efnahagsráðherra, á blaðamannafundi á mánudag.

Aukningin er afleiðing af sameiginlegu átaki við bílaiðnaðinn sem mun leggja 2.000 evrur til niðurgreiðslunnar, sagði hún.

Ráðherrann tilkynnti einnig þreföldun stuðnings við hleðslustöðvara í heimahúsum í 600 evrur og 1.800 evrur fyrir hleðslustöðvar í fjölbýlishúsum.

Austurríki er nú með um 5.500 hleðslustöðvar og vill fjölga þeim eins fljótt og auðið er, sagði hún.

Tæplega 33.000 rafbílar voru skráðir í Austurríki í lok maí, aðeins um 0,7 prósent af heildarfjölda bíla, samkvæmt Statistik Austria. Um það bil tveir þriðju hlutar rafbílanna eru atvinnutæki.

Allt að 1.200 evrur verða einnig veittar til að styðja við kaup á rafhjólum, sagði ráðherrann. Allt að 700 evrur koma frá ríkinu og afgangurinn frá dreifingaraðilanum.

(Reuters)