Andlitslyfting á nýjum 2023 Volkswagen ID.3 sést í fyrsta skipti
Alrafmagnaði Volkswagen ID.3 er að fá endurnýjun á miðjum framleiðslutíma og „uppfærði“ bíllinn kemur seinna á þessu ári
Volkswagen er að leita að því að uppfæra allra fyrstu rafknúnu ID.-gerðina sína – ID.3 – fyrir árið 2023.
Þessar fyrstu myndir af andlitslyftum VW ID.3, sem ýmsar bílavefsíður hafa verið að birta, staðfesta að breytingar í hönnun sem þegar hafa verið sýndar lítillega á opinberri kynningarmynd VW eru líklegar til framleiðslu.
ID.3, sem var hleypt af stokkunum árið 2019, var keppinautur í Golf-stærð eins og Nissan Leaf og Kia Niro EV, með smá breytingu í hönnun VW að innan sem utan.
Andlitslyftingin sem fram undan er mun ekki breyta ID.3 formúlunni of mikið, en það má sjá nú þegar nokkurn mun á núverandi gerð.
Rétt eins og opinberu kynningarmyndirnar sem VW birti síðla árs 2022 mun framendinn bjóða upp á endurskoðaðan stuðara með nýjum loftinntökum til hliðar.
Endurhönnuð framljós eru hins vegar ekki sýnileg á þessari frumgerð.
Gera má ráð fyrir að sjá nokkrar nýjar álfelgur fyrir uppfærða ID.3 og að aftan verður örlítið breyttur stuðari – þægilega hulinn af snjó hér.
Afturljósin gætu einnig fengið fínstillt LED-ljós.
Nokkrar verulegar breytingar verða á innviðum ID.3 árið 2023. Þótt almennt útlit verði það sama, þá getum við séð nýja hönnun fyrir loftopin í mælaborðinu ásamt uppfærslu fyrir tæknina um borð.
10 tommu miðlægum upplýsinga- og afþreyingarsnertiskjá núverandi bíls verður skipt út fyrir 12 tommu skjá (sama og boðið er upp á í ID.4) með nýju stjórnkerfi.
VW segir að nýjasta upplýsinga- og afþreyingartæknin sé þægilegri og einfaldari fyrir notendur.
Eiginleikar eins og Travel Assist og Park Assist Plus verða aðgengilegir sem aukahlutir og af kynningarmyndum að dæma má búast við nýjum sprettiskjá í sjónlínu ökumanns.
Miðjustokkurinn verður einnig endurhannaður og með tveimur bollahöldurum.
Volkswagen segir að nýi ID.3 sé „útbúinn með nýjustu hugbúnaðarkynslóðinni, sem bætir afköst kerfisins og getur tekið á móti þráðlausum uppfærslum“.
Ekki er ljóst hvort nýi bíllinn muni bjóða upp á betri drægni og afköst, þó að endurskoðuð ytri hönnun ætti að hafa áhrif á skilvirkni á einhvern hátt.
Volkswagen framleiðir ID.3 í verksmiðjum sínum í Zwickau og Dresden í Þýskalandi, en með uppfærðri gerð verður framleiðslan líka færð í verksmiðju VW í Wolfsburg til að mæta eftirspurn.
(vefsíður Auto Express, Motor1, Topelectrics ofl).
