- Nýr Range Rover Sport Electric sást í Þýskalandi þar sem verið er að undirbúa kynningu 2025
- Rafknúni RR Sport verður einn af fjórum alrafmögnuðum bílum frá Range Rover sem koma á markað árið 2026
Breski bílavefurinn Auto Express er að segja frá því í dag að Range Rover Sport er við það að fá hreinan rafknúinn valkost og þeir hafi séð bílinní prófun þegar verið er að undirbúa bílinn fyrir kynnngu árið 2025. Þetta verður önnur rafknúna Range Rover gerðin, eftir að fullstóri rafmagns Range Rover kemur á næsta ári.
Það fer ekki á milli mála að þetta er frumgerð bílsins því hann er kyrfilega merktur: Prototype Vehicle
Þegar núverandi kynslóð Range Rover Sport kom árið 2022 fékk hann nýjan MLA-Flex grunn fyrirtækisins. Þessi sveigjanlega hönnun gerir ekki aðeins ráð fyrir mild-hybrid og plug-in hybrid aflrásum, heldur rafdrifnum líka – eins og við munum fljótlega sjá í formi Range Rover Electric.
Tveir aðrir alrafknúnir Range Roverar munu einnig koma árið 2026 og koma í staðinn sem rafbílar fyrir núverandi Evoque og Velar. Þessir tveir munu byggjast á Electric Modular Architecture (EMA) og verða byggðir í verksmiðju fyrirtækisins í Halewood, Merseyside. Stærri MLA-Flex bílarnir verða á sama tíma smíðaðir samhliða bensín-, dísil- og tengitvinnbílunum hjá Solihull.
Alrafknúnu Range Roverarnir ættu ekki að líta alltof öðruvísi út en hliðstæða þeirra með brunavélum – miðað við þessar nýjustu njósnamyndir. Fyrir utan nýtt, meira lokað grill, þá lítur Sport Electric frumgerðin sem Auto Express sá út óbreytt að framan. Til hliðar sjáum við bílinn keyra á setti af 22 tommu álfelgum og inni í bílnum er fullkomið veltibúr – sem bendir til þess að verið sé að prófa þennan bíl á Nurburgring kappakstursbrautinni.
Það er líka allt hefðbundið að aftan, þó að útstæð útblástursrörin sem þú færð í bensín- og dísilknúnum gerðum séu skiljanlega ekki til sýnis hér.
MLA-grunnurinn var hannaður með hreina raforku í huga svo við búumst ekki við að nýi rafhlöðupakkinn komi inn í farþegarýmið. Upplýsingar um rafhlöðuna fyrir nýja Range Rover Electric eða þessa Sport gerð hafa ekki verið birtar ennþá, þó að 800V hleðslubúnaður ætti að geta nýtt sér vaxandi net Bretlands af 350kW ofurhröðum hleðslustöðum. 10-80 prósent hleðsla gæti verið möguleg á 30 mínútum – jafnvel þótt Range Rover Sport Electric fái rafhlöðu yfir 100kWh að afkastagetu.
Range Rover hefur ekki rætt hugsanlegar drægnitölur fyrir allar rafknúnar gerðir sínar enn, þó að búist sé við tiltölulega stórri rafhlöðu í Sport Electric. Ekki búast við ótrúlegum tölum, miðað við 0,29 viðnámsstuðul og líklega háan eiginþunga stóra jeppans.
Sport Electric gæti samsvarað við beinlínuafköst bílsins með brunavél. Það er ekkert sagt um hvort Range Rover muni nýta sér rafmótora frá BMW – þrátt fyrir að fyrirtækin tvö hafi samið um að þróa saman rafdrifnar einingar árið 2019. Með eðlislægar torfæruhefðir Range Rover í huga, er er sjálfgefið að tvímótor settur upp í Sport Electric sem býður upp á fjórhjóladrif.
(Alastair Crooks – Auto Express)
Umræður um þessa grein