Allar nýjar gerðir Nissan á lykilmörkuðum verði rafvæddar um 2030
Japanski bílaframleiðandinn Nissan segir að allir nýir bílar þeirra á lykilmörkuðum verði rafvæddir um 2030, sem hluti af viðleitni bílaframleiðandans til að ná kolefnishlutleysi árið 2050.
Fyrirtækið, sem ætlar að ná til markaða í Japan, Kína, Bandaríkjunum og Evrópu, sagðist ætla að fylgja eftir nýjungum á rafhlöðum, þar með talið með “solid-state“ rafgeymum, og þróa frekar e-POWER tvinntækni sína til að ná fram meiri orkunýtni.
„Við erum staðráðin í að hjálpa til við að skapa kolefnishlutlaust samfélag og flýta fyrir alþjóðlegu átaki gegn loftslagsbreytingum,“ sagði Makoto Uchida, forstjóri Nissan.
Áætlanir Nissan koma fram samhliða því að bílaframleiðendur á heimsvísu eru að hverfa frá dísilbifreiðum yfir í rafmagns- og tvinnbíla, en Japan stefnir að því að útrýma sölu nýrra bensínknúinna ökutækja um miðjan 20. áratuginn og færast yfir í ökutæki, blendinga og vetnisbíla.
Japan lagði fram græna vaxtarstefnu á síðasta ári sem innihélt hugmyndir um að hjálpa til við að ná kolefnishlutlausu markmiði árið 2050.
Japan er að endurskoða orkustefnu sína, þar sem endurnýjanleg orka var 18 prósent í orkusamsetningu landsins á ári, en því tímabili lauk í mars 2020,
(Reuters)
