Isabell Rustad hefur átt nánast fullkomið tímabil í Porsche Sprint Challenge Scandinavia. Um helgina á lokakeppninni á Mantorp Park fékk hún loks sönnun þess að hún væri sú besta á meistaramótinu á þessu tímabili.
Fyrsta stúlkan til að vinna Porsche meistaratitilinn
Isabell Rustad fagnaði sigri eftir mjög spennandi lokakeppni tímabilsins á Mantorp Park í þessari erfiðu Porsche aksturskeppni.
Helgin var bæði dramatísk og spennandi á Mantorp Park og gat norska kappaksturskonan loksins kallað sig meistara í GT3 flokknum í Porsche Sprint Challenge Scandinavia. Hún varð einnig fyrsta stúlkan til að vinna skandinavíska Porsche meistaratitilinn.
„Það er alveg frábær tilfinning að sigra. Eftir að mér var boðið að aka á Rudskogen árið 2022 held ég að mig hafi í raun dreymt um að vinna þetta meistaramót. Ég hef lagt mjög hart að mér fyrir þetta allt árið og þetta hefur verið erfið barátta gegn liðsfélaga mínum Wilmer Wallenstam. Tilfinningin að ég náði sigri, rétt í lokin er frábær,” segir ánægður sigurvegari.
Mjög spennandi
Keppnin á Mantorp var ótrúlega spennandi fyrir Isabell Rustad. Hún ók á mjög sterkri tímatöku og endaði í öðru sæti. Þetta gerði henni kleift að byrja í fremstu röð ásamt liðsstjóranum og gestaökumanninum Robin Hansson, sem var fljótastur í tímatökunni. En Isabell Rustad byrjaði illa og Wallenstam, Fredric Blank og Ludwig Ellhage fóru fram úr henni.
Það þýddi að Robin Hansson sigraði á ráspól en harðasti keppandinn um meistaratitilinn í ár og liðsfélagi Rustad, Wilmer Wallenstam var annar og Fredric Blank þriðji, en Rustad lenti þá í fjórða sæti.
Þetta þýddi að Wallenstam náði nánast öllu forskoti Isabell eftir Porsche keppnina á heimavelli í Rudskogen. Fyrir síðasta úrslitaleik voru aðeins 1.5 stig Rustad í vil. Þá var þetta eins jafnt og spennandi og það gat verið áður en úrslitaakstur ársins átti að fara fram.
„Byrjunin á fyrsta hring gekk frekar illa, ég ók á minni hraða í ræsingunni en ég ætlaði og ég var ekki rétt gíruð þegar startljósin slokknuðu. Svo voru einfaldlega tveir menn að taka fram úr mér, auk þess sem hraðinn var ekki til staðar strax í byrjun, segir Isabell Rustad.
Fyrst í mark og fagnaði sigri
„Auðvitað fann maður fyrir smá auka pressu þegar allt var undir í síðustu keppninni. Taugaspennan var alveg til staðar en ég reyndi eins og ég gat að nota hana í eitthvað jákvætt og einbeita mér í staðinn að því sem ég þurfti að gera,” segir hún.
Það var aðeins eitt sem skipti Isabell Rustad máli í síðasta keppnisakstri ársins. Það var að klára á undan liðsfélaga sínum Wallenstam. Rustad tók forystuna í upphafi en Wallenstam rétt hékk í norsku kappaksturskonunni alla keppnina.
„Þetta var svo ótrúlega spennandi og ég var þvílíkt stressuð fyrir ræsingu,”segir hún.
Rustad kláraði þó byrjunina vel og náði fljótt smá forskoti á Wallenstam sem var alltaf rétt á eftir henni. Í miðri lokahrinunni varð síðan árekstur en allt fór samt vel.
Þetta þýddi að Isabell Rustad jók aðeins forskotið á Wallenstam. Aftur á móti á tíunda hring lenti Wallenstam í vélarvandræðum og dró sig úr keppni. Þá gat Rustad loksins andað léttar, jafnvel þótt hún vorkenndi Wallenstam að hafa þurft að hætta keppni.
Sigurvegarar! Isabell Rustad í fyrsta sæti ásamt Willen Wallenstam og Frederic Blank, í öðru og þriðja sæti.
„Ég vonaði að við Wilmer gætum barist um sigurinn alla leið, svo það var synd að að bíllinn bilaði hjá honum. Sem betur fer var ég fyrir framan hann þegar þetta gerðist, þannig að ég tapaði ekki sigrinum vegna þessarar bilunar hjá Wilmer,” segir hún.
„Strax í upphafi náði ég forystu í lokahrinunni. Þá fór ég að sjá ljósið við enda ganganna. Ég áttaði mig ekki að ég hefði unnið fyrr en bifvélavirkinn minn sagði í talstöðina að bíll Wilmers hefði bilað.
Þá kom ég auga á hjálparsveitina mína við brautina og áttaði mig á því að sigurinn var minn. Full af adrenalíni og einbeitingu hugsaði ég ekki mikið um það, fyrr en ég fékk köflótta fánann. Svo runnu bara tárin. Ég er alveg himinlifandi, frábær tilfinning og draumur að rætast,“ segir hún að lokum.
Uppruni: Bilnorge
