- G 580 heldur hinni þekktu hönnun „stigagrindar“ en sleppir brunavél fyrir fjóra rafmótora og öfluga 116 kílóvattstunda rafhlöðu.
Hinn þekkti G-Class torfærubíll Mercedes-Benz ætlar að kanna rafknúna framtíð strax í sumar.
Stóri jeppinn var afhjúpaður af Mercedes í Beijing á miðvikudaginn fyrir bílasýninguna í höfuðborg Kína.
Mercedes G-Class frumsýndur á bílasýningunni 2024 í Beijing. Forráðamenn Mercedes á sviðinu við afhjúpun rafmagns G-Class á bílasýningunni. Mynd: MICHAEL GERSTER
G 580 sleppir brunavél fyrir fjóra rafmótora sem skila 579 hestöflum (432 kW) og öflugur 116 kílóvattstunda rafhlöðupakki sem gefur næga orku fyrir allt að 473 km drægi samkvæmt WLTP stöðlum .
Þó að ólíklegt sé að bíllinn fari nokkru sinni mikið út af malbikuðum vegum, þá er rafknúni G-Class útbúinn fyrir krókaleiðir utan vega.
Mercedes sagði að G 580 gæti klifrað upp í „100 prósent gráðu á hentugu yfirborði“ og að hámarks vaðdýpt sé 850 mm.
Rafhlaðan er hýst í „snúningsþolinni hlíf“ til að vernda gegn vatni og óhreinindum. Pakkningin er styrkt með kolefnis undirvagnsvörn.
Rafknúinn G-Class er með sjálfstæða framfjöðrun með tvöföldu óskabeini og endurgerðan traustan afturöxul.
Rafknúni G-Class er með útlitsbreytingum eins og örlítið hækkaðri vélarhlíf, útvíkkandi hjólaskálum að aftan og spoiler-kant á þakbrúninni sem eykur loftflæði og orkunýtingu. – MERCEDES-BENZ
Geta utan vega er bætt með sýndar mismunadrifslæsingum. Tæknin gerir það mögulegt að senda tog nákvæmlega á hvert hjól og býður upp á meiri stjórn á ökutækinu á krefjandi landslagi.
Rafmótorinn fyrir hvert hjól er búinn sérskiptingu, sem er miðlæg og gerir öllum fjórum mótorunum kleift að starfa sjálfstætt.
Lágdræg gírlækkun utan vega eykur tog á hjólunum og gerir „G-snúning“ mögulegan, þar sem jeppinn snýst á staðnum á lausu eða ómalbikuðu yfirborði. Gagnlegri er „G-Steering“, sem gerir G 580 kleift að beygja í þröngum radíus.
Breytt hönnun
Á sama tíma og Mercedes hefur haldið klassískri hönnun bílsins og kringlóttum framljósum, hefur Mercedes lagað rafmagns G-Class til að aðgreina hann frá bensínknúnum systkinum sínum.
Örlítið upphækkuð vélarhlíf G 580, útbreiddar hjólaskálar að aftan, nýrri A-bita klæðningu og spoiler kanti á þakbrúninni auka loftflæði og orkunýtingu.
Grillið er með fjórum láréttum hlífum. Valfrjálst svart spjald grill með lituðum ljósahlutum, hreyfimyndar LED bandi og krómaðri umgerð skerpir útlitið.
G-Class mun byrja á 142.621 evrum í Þýskalandi eða sem svarar 21.435.936 ISK.
(Automotive News Europe og fleiri vefsíður)
