- Mun uppfærður lítill sportjepplingur Ford koma koma til með að rugga bátnum í baráttunni við Juke Nissan, Renault Captur og marga aðra?
Ford Puma var í efsta sæti breska bílasölulistans árið 2023 – en litli jepplingurinn hefur aldrei staðið frammi fyrir harðari samkeppni en nú. Og hann hefur fengið smá andlitslyftingu sem sést mjög vel á ytra byrði bílsins og meiriháttar breytingu á farþegarými og með bættu tæknistigi.
Brotthvarf Ford Fiesta þýðir að Puma þarf að höfða til kaupenda smábíla eins og Vauxhall Corsa og Toyota Yaris, sem og viðskiptavina sem leita að litlum jepplingum, sem annars gætu verið að íhuga Vauxhall Mokka eða Nissan Juke.
Svo eru það einnig nýkomnir bílar á markaðinn eins og nýi Citroen C3 sem bjóða krossover lúkkið á mjög viðráðanlegu verði.
Að utan lítur nýi Puma nánast eins út og bíllinn sem hugmynd hans spratt af þegar hann kom á markað árið 2019. Framendinn er með nýjustu útfærslu á merki Ford, auk glænýrra aðalljósa sem eru með skemmtilega útlítandi ljósasetti. Það koma líka útfærslur, þar sem Títangerðir eru með krómuðu grilli og ST-Line útgáfur fá aðeins klossaðri stuðara.
Aðrar helstu breytingar á ytra byrði eru hressandi litaúrval, þar á meðal Cactus Grey bílsins á þessum myndum.
En það er hinsvegar í innanrýminu sem Ford hefur eytt mestu fé í breytingar. Það er glænýtt skipulag mælaborðsins sem er hannað til bæta skipulag þess með mjóum loftopum og nýrri tveggja arma hönnun stýris.
Þessi áhersla á hreinna útlit þýðir að Puma fylgir takkalausu þróuninni í bílahönnun nútímans og stjórntæki fyrir lykilaðgerðir fara á miðlæga snertiskjáinn. Til að hjálpa til við að takast á við þetta fær Puma par af skjám sem eru töluvert stærri en áður.
Stafræna mælaborðið er nú 12,8 tommur í þvermál – og hægt er að sérsníða það til að forgangsraða þeim upplýsingum sem ökumaðurinn kýs – en upplýsinga- og afþreyingarskjárinn er 12 tommu „spjaldtölva“. Kerfið keyrir SYNC 4 hugbúnað Ford, með hraðari vinnslu en núverandi Puma’s SYNC 3.
Aðrir hápunktar í endurnýjuðu farþegarými bílsins eru umhverfislýsing, lagskipt framrúða, víðáttumikið glerþak og gervileðuráklæði á sætunum, stýri og armpúði – með mismunandi saumalitum, allt eftir klæðningu.
Undir vélarhlífinni hefur Ford hagrætt aflrásarlínu Puma lítillega.
Kjarninn í henni er 1,0 lítra þriggja strokka EcoBoost bensínvél sem fæst í tveimur útfærslum, 123bhp eða 153bhp og með aðstoð 48 volta mild-hybrid startara.
Kraftminni valkosturinn er fáanlegur með annað hvort sex gíra beinskiptum gírkassa eða sjö gíra sjálfskiptingu Ford með tvöfaldri kúplingu, en öflugri vélin er aðeins í boði sjálfskipt.
Stærsta vélin fer út en Puma ST missir 197 hestafla 1,5 lítra vélina sína en það sem skiptir sköpum er möguleikinn á beinskiptingu. Þess í stað verður sportútgáfa bílsins einungis boðin í 168 hestafla mild-hybrid útgáfu af 1.0 EcoBoost vélinni og sjö gíra sjálfskiptum gírkassa með tvöfaldri kúplingu.
Hann fær einnig Ford Performance pakka sem lækkar bílinn örlítið að framan, ásamt sérsniðnum ST grillum og möguleika á tvítóna litasamsetningu með gljáandi svartri áferð á þakinu.
Byggt á grein Autoexpress.
Umræður um þessa grein