Getur flutt 7.000 rafbíla í einni ferð

• Fyrsta bílaflutningaskip BYD leggur af stað með rafbíla á leið til Evrópu
• BYD gerir ráð fyrir að sjö skip til viðbótar komist í flotann á næstu tveimur árum.

SHANGHAI – Fyrsta bílaflutningaskip BYD hefur lagt af stað frá Shenzhen í suðurhluta Kína með rafbíla á leið til Evrópu.

Ekjuskipið („roll-on/roll-off“), sem kallast BYD Explorer No.1, getur borið allt að 7.000 farartæki. BYD gerir ráð fyrir að sjö skip til viðbótar komist í flotann á næstu tveimur árum.

BYD sagði að tilkoma skipsins marki lykilskref fyrir útrás fyrirtækisins á erlenda markaði.

Nýtt „roll-on/roll-of“ bílaflutningaskip BYD – BYD Explorer No.1. Og fjöldi bíla bíður greinilega flutnings.  Mynd: REUTERS

Kínverskir bílaframleiðendur, þar á meðal BYD, Chery og SAIC, hafa lagt inn pantanir fyrir skip til að vinna gegn hækkandi flutningskostnaði þar sem þau auka útflutning.

Explorer No.1, smíðaður af Yantai CIMC Raffles Shipyard fyrir ísraelska skipafélagið Zodiac Maritime, mun eiga viðkomu í Flushing Port í Hollandi og þýsku höfninni í Bremerhaven, að því er staðbundnir fjölmiðlar greindu frá.

Kína flutti út 5,2 milljónir bíla árið 2023 og er talið að það hafi farið fram úr Japan sem stærsti bílaútflytjandi heims.

BYD flutti út um 243.000 bíla af heildarsölu sinni upp á 3 milljónir eintaka árið 2023, þar sem Ástralía, Brasilía og Ísrael eru meðal stærstu erlendra markaða þess, sýndu gögn frá China Passenger Car Association.

(Automotive News Europe)