Rafjeppinn Kia EV9 verður frumsýndur næstkomandi laugardag kl 12-16 í sýningarsal Kia að Krókhálsi 13.
Kia EV9 er byggður á hinum byltingarkennda E-GMP undirvagni (Electric Global Modular Platform) sem veitir kraftmikil afköst. Drægni EV9 er allt að 522 km samkvæmt WLTP-staðli.
Með ofurhraðri hleðslugetu er hægt að fylla á EV9-rafhlöðuna og ná 249 km drægni á um það bil 15 mínútum. EV9 kemur fyrst um sinn í GT-Line útfærslu sem er fjórhjóladrifinn og skilar hröðun frá 0-100km/klst á einungis 5,3s.
Þessi stóri og stæðilegi rafjeppi er með sæti fyrir sex eða sjö manns. Útlitið er djarft og nútímalegt en á sama tíma heldur bíllinn sínum sérkennum.
Framhlið EV9 einkennist af skýrum línum og hreinum flötum með traustu, skýru og sportlegu yfirbragði. Hið einkennandi „stafræna tígrisandlit“ gefur bílnum sérstæðan svip sem er undirstrikaður með ljósagrilli með stafrænu mynstri og lóðréttum, framúrstefnulegum aðalljósum.
Stafræna tígrisandlitið er einnig búið tveimur klösum af kassalaga ljósum við hlið beggja aðalljósanna. Sérstök „stjörnukorta“ LED-dagljósin á EV9 mynda lifandi lýsingarmynstur sem mun einkenna stafrænt tígrisandlit Kia á rafbílum fyrirtækisins í framtíðinni, auk þess að skila sérlega magnaðri lýsingarupplifun.
Rafjeppinn er með 3.100 mm hjólhaf og kemur á sportlegum 21” felgum. Heildarlengd bílsins er 5.010 mm, á breiddina er hann 1.980 mm og 1.755 mm á hæðina.
Í bílnum er einnig að finna brautryðjandi og sjálfbær efni þróuð af Kia. Má þarf nefna lífplast, endurunnið PET-plast eða fiskinet, lífræn málning og lífrænn pólýúretansvampur. Öll þessi efni verða til sýnis í sýningarsal Kia að Krókhálsi.
Sérstök slökunarsæti
Kia EV9 er með þremur sætaröðum. Í fyrstu og annarri sætaröð eru sérstök slökunarsæti sem tryggja þægilega hvíldarstöðu. GT-Line útfærslan er 6 manna sem skilar sér í frábæru aðgengi í þriðju sætaröð sem hentar einstaklega vel fyrir fólk sem þarf gott aðgengi t.d. vegna barnabílstóla.
Næsta sumar er Earth útgáfa bílsins væntanleg og munu tækniupplýsingar liggja fyrir þegar nær dregur.
Sú útgáfa mun hafa bekk í annari sætaröð í stað stóla og því vera fyrir sjö farþega.
Brautryðjandi nýsköpun
Kia hefur á síðustu árum sópað að sér fjölda verðlauna fyrir einstaka bíla, hönnun og nýsköpun. Framleiðandinn hefur veitt mikinn innblástur á heimsvísu með nýsköpun og þróun á rafbílaflota sínum og komst m.a. á lista TIME yfir áhrifamestu fyrirtækin í Bandaríkjunum 2023.
Það hefur því mikil eftirvænting fylgt komu nýs flaggskips framleiðandans, EV9, til landsins sem er loksins frumsýndur á laugardaginn. Þar að auki er einstaklega gaman að sjá að auglýsingaherferð Kia EV9 var tekin upp á Íslandi. Engin furða þar sem bíllinn hentar íslenskum aðstæðum mjög vel.
(fréttatilkynning frá Öskju / Kia)
