- BMW afhjúpaði fyrsta skothelda rafbílinn sinn í vikunni, BMW i7 Protection, þar sem bílaframleiðandinn stækkar framboð bíla án útblásturs í nýja flokka.
BMW hefur smíðað öryggisbíla í yfir 45 ár en i7 Protection markar ný tímamót.
Eftir að hafa komið fram með fyrstu rafknúnu 7 seríuna sína, i7, í apríl síðastliðnum, gengur nýjasta sköpun BMW lengra en losunarlaus lúxusakstur.
BWW i7 Protection er fyrsta rafknúna gerð þýska bílaframleiðandans í sínum flokki. Vörn rafbílsins samanstendur af sérstakri sjálfbærri yfirbyggingu smíðuð með brynvörn úr sérlega hertu stáli. Síðan bætast við viðbótareiginleikar eins og brynvörn fyrir undirvagn og þak og skothelt gler.
Brynvarinn rafbíll BMW býður upp á sérsniðna vörn gegn skotvopnum og sprengiefnum. BMW i7 Protection er með VR9 vörn í flokki sem byggir á opinberum prófunarviðmiðum frá Samtökum prófunarstofa fyrir árásarþolin efni og byggingar (VPAM) í Þýskalandi.
Vottunin er stofnuð í samræmi við leiðbeiningar fyrir skotþolin farartæki, sem felur í sér viðmið fyrir þol gagnvart byssukúlum ásamt því að fylgja leiðbeiningum um sprengiþolin farartæki og PAS 300 fyrir viðnám gagnvart sprengjum.
Með öðrum orðum, rafmagnsbíll BMW er skotheldur og verndar gegn sprengiefni. Hann býður jafnvel upp á vörn gegn skotum frá skotfærum með kaliber 7.62×54 R (ógn frá hæsta borgaralega viðnámsflokki VPAM 10).
Með sérstökum brynjum á þaki og undirvagni segir BMW að skotheldur rafbíllinn geti varið sig gegn drónaárásum eða handsprengjum.
Fyrir afl og frammistöðu deilir brynvarinn rafbíllinn nokkrum íhlutum með öflugustu rafknúnu gerð vörumerkisins, BMW i7 M70 xDrive. BMW i7 Protection er knúinn af tveimur rafmótorum og býður upp á samanlagt 544 hestöfl og 744 Nm hámarkstog.
BMW segir að skotheldur rafbíllinn geti náð 0 til 100 km/klst á níu sekúndum (aukaþyngdin hægir á honum), með hámarkshraða takmarkaðan við 160 km/klst.
Það mun ekki fara illa um farþega í þessum skothelda BMW i7. Myndir: BMW
Að innan er bíllinn hannaður til að hýsa opinbera aðila og embættismenn með viðbótareiginleikum eins og „kælibox“ á milli aftursætanna til að halda drykkjum köldum. Hann verður einnig búinn nýjasta öryggis- og tæknibúnaði eins og BMW OS 8.5.
Brynvarinn rafbíll BMW inniheldur í fyrsta skipti einstaka eiginleika, vélknúna aðstoð til að opna og loka hurðum. Hægt að sérsníða gerðina með fersku loftveitukerfi, slökkvitæki með handvirkri losun, blikkandi ljósum, útvarpi, senditækjum og fánastöngum.
i7 Protection verður smíðaður í verksmiðju BMW Group í Dingolfing í Þýskalandi, stærstu framleiðslustöð vörumerkisins í Evrópu. Hann verður opinberlega frumsýndur á IAA Mobility 2023 bílasýningunni í München í september, en afhendingar hefjast í desember 2023.
(vefur electrek)
Umræður um þessa grein