Þau Anna María Moestrup og Sveinbjörn Hrafnsson keyptu sér Mercedes Benz SLK 230 í Þýskalandi og fluttu hann heim í vor.
Þar sem Sveinbjörn átti þegar „sinn bíl”, var tími til kominn að Anna næði sér í einn blæjusportara líka.
Komu honum sjálf í skip
„Það var fyrst og fremst liturinn, þessi guli litur var stóra málið, segir Anna María” en áður höfðu þau átt silfugráan samskonar bíl með rauðum leðursætum og innréttingu.
Við keyptum þennan og ókum honum upp til Rotterdam og gengum frá honum í skip til flutnings heim.
Búin að aka hring á Nürburgring
Þau segja SLK bílinn frábæran akstursbíl en sá guli er aðeins ekinn um 52 þús. kílómetra. Það er alveg nægt afl í þessum bíl enda með 2,3 lítra, fjögurra strokka bensín vél og með túrbínu (kompressor). Þetta er svokölluð Japan import gerð sem kemur til þýskalands um 2016
Anna María segir að búið sé að aka bílnum hring á Nürburgring og hann hafi staðið sig mjög vel þar.
Bíll þeirra Önnu Maríu og Sveinbjörns lítur sérlega vel út, vel með farinn og hvergi skrámu að sjá á bílnum. Hann er með rafstýrðum harðtoppi og það er gaman að sjá hugvitið sem þjóðverjinn hefur notað til að ná þessari virkni.
Flott tækni
Harðtoppurinn pakkast hreinlega niður í skottið með því að þrýsta á hnapp í bílnum. Þegar toppurinn er uppi er feikinægt skottpláss í þessum litla bíl, enda bara tvegga sæta sportari.
Mercedes-Benz SLK 230 Kompressor, framleiddur árið 1999, er nettur lúxus roadster sem var hluti af sportbíla línu Mercedes-Benz.
Hann er með rafdrifinn inndraganlegan harðtopp, sem aðgreindi hann frá mörgum öðrum blæjubílum síns tíma. Á japanska markaðnum var hann nefndur „SLK 230 Kompressor R170.“
Á gömlum grunni
SLK 230 Kompressor var með áberandi hönnun með skörpum línum og rafdrifnum harðtoppi, sem gerði kleift að breyta honum úr kúpubak í blæjubíl með því að ýta á hnapp.
Hönnunin var undir áhrifum frá hinni sögufrægu Mercedes-Benz SLR línu frá 1950.
Kompressor
„Kompressor“ í nafninu gefur til kynna að búnaður er í vél bílsins sem býr til meira afl, svipað og túrbína.
Túrbína/forþjappa er knúin áfram af útblástursloftinu sem kemur frá vélinni, á meðan að „kompressor“ gerir það sama nema það er beltadrifinn blásari sem þrýstir lofti inn brunahólfið.
Sem sagt gerir nákvæmlega það sama – nema á mismunandi hátt, önnur aðferðin byggir á belti á sveifarás en hin á því að útblásturslofti er veitt í gegnum túrbínu til að ná fram meira afli. SLK 230 Kompressor var með 2.3 lítra línuvél, fjögurra strokka sem framleiddi um 193 hestöfl og 271 Nm í tog.
Þessi vél var pöruð við annað hvort 5 gíra sjálfskiptingu eða 5 gíra beinskiptingu.
Kompressor vélin skilaði mikilli hröðun og góðu miðjutogi. SLK 230 Kompressor fer úr 0 í 100 km/klst á um það bil 7 sekúndum, sem var alveg prýðilegt á þeim tíma sem bíllinn kom út.
Lítill sportlegru roadster
Innanrými SLK 230 Kompressor var hannað með sportlegu lúxus yfirbragði. Þar mátti finna hágæða efni, þægileg sæti og ýmis þægindi sem búist var við í lúxusbíl í þessum flokki.
Hvað eiginleika varðar, var boðið upp á rafstillanleg sæti, leðuráklæði, loftkælingu, rafmagnsglugga og úrvals hljóðkerfi svo eitthvað sé nefnt.
Öryggi var forgangsatriði hjá Mercedes-Benz og SLK 230 Kompressor var búinn ýmsum öryggisbúnaði á sínum tíma, svo sem tvöföldum loftpúðum að framan, stöðugleikastýringu, læsivörðum hemlum og veltislám sem myndu virkjast ef til veltuslyss kæmi.
Anna María Moestrup við SLK bílinn sinn og íklædd jakka í stíl við bílinn.
Vinsæll bíll
SLK 230 Kompressor náði vinsældum fyrir einstaka hönnun og harðtoppinn en einnig fyrir glæsilega frammistöðu. Bílnum var vel tekið víða á mörkuðum, þar á meðal Japan, þar sem hann kom til móts við kaupendur sem leituðu að lúxus, stíl og sportleika.
Eftir því sem tíminn líður gætu vel viðhaldin eintök SLK 230 Kompressor orðið nokkuð verðmæt meðal bílaáhugamanna.
Gerðir frá fyrri árum framleiðslunnar, eins og 1999 útgáfan, gætu verið sérstaklega áhugaverðar fyrir safnara og þá sem kunna að meta klassíska Mercedes-Benz bíla.
