- Peugeot, sem á sér meira en aldarlanga sögu í smíði reiðhjóla, sýnir nýja línu sína af rafhjólum með djarfa og áberandi hönnun
Franski bílaframleiðandinn Peugeot er svo sannarlega ekki nýgræðingur í rafhjólaheiminum eins og margir aðrir bílaframleiðendur sem eru aðeins farnir að dýfa tánni í rafhjólavatnið.
Peugeot á sér langa sögu í að framleiða reiðhjól sem nær aftur um öld undir PEUGEOT Cycles deild sinni. Nú hefur fyrirtækið nýlega sent frá sér nýjustu línuna af rafmagnshjólum og þau vekja athygli.
Meðal þriggja nýrra rafhjólategunda eru rafreiðhjól fyrir ferðalög innan borgarinnar, rafreiðhjól með möguleika á að flytja farm og rafreiðhjól með hleðslurými að framan.
Öll þrjú bjóða upp á nútímalega hönnun, þó að „borgarhjólið“ sé mest áberandi af þeim öllum.
Fyrirtækið útskýrði að nýju rafreiðhjólagerðirnar munu koma með nokkra nýja eiginleika í línu Peugeot:
„Í lok árs 2023 og ársbyrjun 2024 mun PEUGEOT Cycles stækka úrval sitt af rafdrifnum reiðhjólum með nokkrum nýjum og nýstárlegum gerðum sem njóta góðs af bestu tengdu tækninni.
Það verður boðið upp á snjallsímatengingu, meðal annars aðlagandi rafaðstoð, þjófavarnarkerfi, viðvörunkerfi, landfræðilega staðsetningu hjóla, rauntíma leiðsögn, veðurspár á áfangastað, tölfræði leiða o.s.frv. .”
Nýlega opinberað Peugeot borgarhjólið, þekkt sem Digital E-Bike, er með ýkt stóran stokk niður sem aðskilur fram og afturhlutann.
Miðdrifsmótor virðist vera í afturhjólinu með reimadrifkerfi, sem kemur í stað klassísks keðjudrifs sem er að finna á flestum öðrum rafhjólum Peugeot.
Hjólið er með þétt aðfelldum skítbrettum, baksveigðu stýri og vökvadiskabremsum.
„Flutningahjól“ Peugeot, nefnt Digital e-Longtail, er lýst af fyrirtækinu sem „hjóli þar sem ílangur afturendi getur þægilega rúmað allt að tvö börn eða farm, sérstaklega hentugt fyrir fjölskyldunotkun.
Hjólið er með klassískt hönnuðum framenda með teygðum afturenda sem getur hýst langa grind með par af bólstruðum sætum. Barnastóll er hannaður til að hafa börnin aftan á (eða farminn), á langri grind og „hjólahlíf“ kemur í veg fyrir að litlir, dinglandi fætur snerti afturhjólið.
Stigbretti á hvorri hlið afturhjólsins lítur út fyrir að vinna saman með útskotum á efri grindinni til að gera kleift að leggja rafhjólinu upprétt lóðrétt á endann, svipað og vinsælu Tern rafhjólin. Þetta gerir að hjólið tekur töluvert minna pláss í bílskúr eða íbúð.
Þriðja rafreiðhjólið sem Peugeot sýnir er rafreiðhjól með hleðslurými að framan sem lýst er sem „hjóli með aukið framhjólahaf til að rúma kassa til að flytja allt að þrjú börn eða þungan farm, hentugut fyrir fjölskyldu- eða atvinnunotkun“.
Þessi tegund rafhjóla er skráð sem „Digital e-Front Load“ og er nokkuð vinsæl um alla Evrópu þar sem þau eru notuð á svipaðan hátt og jeppar og stórir bílar eru notaðir í Bandaríkjunum: til að flytja nokkur börn um bæinn eða vöruinnkaup í matvöru. Hjólið minnir líka að nokkru leyti á gömlu „kaupmannshjólin“ sem sendlar notuðu til að flytja vörur á heim til viðskiptavina hér á landi í eina tíð.
Peugeot hefur ekki tilkynnt verð fyrir nýju rafhjólin ennþá, en fyrirtækið mun sýna nýju hönnunina á PRO-DAYS frá 2. til 4. júlí 2023, á Parísarsýningunni, Porte de Versailles.
(frétt á vef electrek)
