- Nýi, ódýrari meðalstærðarjeppinn mun fara í framleiðslu árið 2026.
Einn af þeim rafbílaframleiðendum sem mikið hefur verið fjallað um á liðnum árum, er bandaríski framleiðandinn Rivian sem er með aðsetur í Irvine í Kaliforníu, og á verksmiðju Normal í Ilinois auk aðstöðu á mörgum öðrum stöðum.
Þeir hafa þegar kynnt fyrstu gerðina R1T (sem er á myndunum með þessari frétt), rafdrifinn pallbíl, Rivian R1S sem er sportlegur jeppi og Rivian EDV, sem er sérhannaður sendibíll hannaður fyrir Amazon-vefverslunina.
En núna er röðin komin að R2
Rivian mun afhjúpa fyrstu gerðina í minni og hagkvæmari R2-línu fyrirtækisins snemma árs 2024, að sögn Claire McDonough, fjármálastjóra fyrirtækisins, sem ræddi við Emmanuel Rosner á ráðstefnu Deutsche Bank Global Auto Industry.
Fjármálastjóri bandaríska rafbílasprotafyrirtækisins sagði að hún hafi séð leirlíkanið sem var kynnt nýlega á spurningum og svörum með forstjóra RJ Scaringe og að allt liðið sé „ótrúlega spennt“ fyrir bílnum.
Fyrsta R2-undirstaða gerð Rivian verður meðalstærðar jepplingur sem gæti verið með byrjunarverð um $40.000 og hámarkssöluverð upp á $60.000, rétt undir flaggskipinu R1T pallbílnum sem byrjar á $73.000, og R1S jeppinn sem er með verð upp á $78.000.
Með öðrum orðum, við getum búist við því að væntanlegur R2S jepplingur (nafnið hefur ekki verið staðfest, en hann mun líklega fylgja sama kerfi og R1 línan) verði með svipaða stærð og verð og Ford Bronco.
Það veit enginn hvernig nýr Rivian R2 muni líta út en hér að ofan er mynd af Rivian R15 sem MotorAuthority birti á sínu vefsvæði.
Framleiðsla á R2-jeppanum á að hefjast tveimur árum eftir að hann kom í ljós, svo einhvern tímann árið 2026, þegar fyrirtækið áætlar að það muni hafa aukið framleiðslu R1-bílanna í 85.000 einingar á ári, upp úr 65.000, á meðan framleiðsla á rafdrifna Amazon-sendnibílnum – mun minnka úr 85.000 í 65.000 einingar árlega.
Að þessu sögðu mun heildargeta samsetningarstöðvarinnar í Normal, Illinois vera 150.000 einingar á ári árið 2024, en önnur verksmiðja sem á eftir að byggja í Georgíu mun taka við framleiðslu R2 bílanna.
Á símafundinum gaf McDonough í skyn möguleikann á að R2 grunnurinn næði til alþjóðlegs markhóps og væri ekki eingöngu bundinn við Norður-Ameríku, þar sem bílarnir með R1-grinninum eru:
„Þannig að við ræddum svolítið um, ekki satt, hvar við vorum árið 2018, 2019, miðað við þá vinnu sem við höfum unnið undanfarin tvö ár til að ná þessum efniskostnaði niður. Ég heyri að við erum að byrja frá mjög mismunandi samningastöðu þar sem það snýr að R2-grunninum og stærðinni og færninni sem sá grunnur mun verða með tímanum fyrir Rivian. Ég er ekki bara að talaum í Norður-Ameríku, heldur á heimsvísu líka.“
(frétt á insideevs)
