25 ára afmæli VW Polo GTI

Volkswagen kynnir Polo GTI Edition 25 í takmörkuðu upplagi

• Í tilefni afmælisins býður VW upp á nýjan Polo GTI með víðtækum staðalbúnaðarpakka og nokkrum sérstökum hönnunareiginleikum
• Meðal staðalbúnaðar eru sportfjöðrun, rafrænn mismunadrifslás XDS og IQ. LIGHT – LED matrixljós
• Fyrsti Polo GTI kom á markað árið 1998 og er nú á dögum litið á hann sem söfnunargrip

25 ár af Polo GTI! – Í tilefni af þessu afmæli kynnir Volkswagen sérútgáfuna Polo GTI Edition 25. Það var árið 1998 sem Polo bætti fyrst þessum þremur táknrænu stöfum við nafnið sitt: GTI.

Nú, aldarfjórðungi eftir að Polo III GTI kom á markað, kynnir VW takmarkað upplag af núverandi 152 kW (207 PS) Polo GTI. Kraftmikill drifbúnaður er áhrifamikill, en það er ekki það eina sem stendur upp úr við þennan sportlega bíl: með eiginleikum á borð við sportfjöðrun, rafrænan mismunadrifslás XDS, yfirgripsmikið úrval staðalbúnaðar og einstaka hápunkta hönnunar, er afmælisgerðin eitthvað alveg sérstakt.

Hægt verður að panta Polo GTI Edition 25 í Þýskalandi frá og með 1. júní, verðið er 35.205 evrur, eða sem samvarar kr. 5.354.680 á gengi dagsins.

Rétt eins og „eldra systkini hans“, Golf GTI, á Polo sér langa sögu og fjölda sportlegra forvera: VW markar nú aldarfjórðung af Polo GTI með sérstöku afmælisgerðinni Polo GTI Edition 25, takmarkað við 2.500 bíla. „Volkswagen hefur ríka arfleifð og Polo er einn af þekktustu bílunum okkar,“ segir Imelda Labbé, í stjórn Volkswagen vörumerkis fyrir sölu, markaðssetningu og eftirsölu.

„GTI aðdáendur eru okkur mjög mikilvægir og afmælismódelið okkar er leið til að marka þessi tímamót með þeim: fagna 25 ára krafti, frammistöðu, sportlegum og skemmtilegum akstri í Polo flokki”.

Kraftmikil tveggja lítra TSI vélin, sem býður upp á 152 kW (207 PS) og tog upp á 320 Nm, knýr framhjóladrifna Polo GTI Edition 25 úr 0 í 100 km/klst. á 6,5 sekúndum.

Auk þess er gerðin búin sérstilltri sportfjöðrun sem staðalbúnað. Þetta lækkar yfirbygginguna um 15 millimetra og ásamt rafrænu mismunadriflæsingunni XDS tryggir það myndun framúrskarandi aksturseiginleika, bætt grip og nákvæma meðhöndlun sem er dæmigert fyrir GTI gerðir.

Einstakur afmælisbúnaður: Nýja sérgerðin undirstrikar líka óvenjulega stöðu sína sjónrænt: Hún er með klassískt GTI-útlit, með rauðum bremsuklossum og áherslum, „honeycomb“-hönnun á grilli og krómhúðuðum púströrum.

Og það er ekki allt: Polo GTI Edition 25 er með fjölda annarra einstakra búnaðareiginleika, þar á meðal 18 tommu Adelaide álfelgur í svörtum gljáandi lit, svörtu þaki og svörtum hliðarspeglum, sem allt hjálpa til við að skapa sportlegt útlit hans.

Innréttingin er að staðalbúnaði með úrvals sportsætum í götuðu svörtu og rauðu leðri með saumuðum GTI lógóum og gljáandi svörtum skreytingum með rauðum GTI letri.

Eigendur verða minntir á að ökutæki þeirra er eitt af takmörkuðum fjölda með „One of 2500“ merkinu á sílsunum. Auk GTI litanna Pure White, Kings Red Metallic, Reef Blue Metallic, Smoke Grey Metallic og Deep Black Pearl Effect, er Polo GTI Edition 25 einnig fáanlegur í Ascot Grey.

Nýstárleg tækni: Meðal eiginleika sem eru staðalbúnaður eru „IQ.LIGHT LED“ matrixljós með „Dynamic Light Assist“ og LED dagljósum sem tryggja mjög flotta lýsingu á veginum. Það er líka fjölnota sportstýrið í leðri með spöðum og „25“ merkinu, auk fjölda aðstoðarkerfa sem tilheyra hærri bílaflokkum.

Valfrjálsa akstursaðstoðin er hluti af „IQ.DRIVE“ aðstoðarpakkanum og gerir kleift að keyra að hluta til sjálfvirkan akstur.

Aðstoðarkerfið getur tekið yfir stýringu, hemlun og hröðun nýja Polo GTI á hraða frá 0 km/klst. upp í 210 km/klst. Til að gera það byggir Travel Assist á kunnuglegum kerfum, þar á meðal aðlagandi hraðastilli fyrir millibil á milli bíla og akreinahjálp (sem er staðalbúnaður) fyrir hliðarleiðsögn.

Mælaborðið og upplýsinga- og afþreyingarkerfið í nýju sérútgáfunni er raðað á einn sjónrænan ás, sem gerir ökumanni auðvelt að sjá og nota. Upplýsinga- og afþreyingarkerfið „Ready2Discover“ er staðalbúnaður og státar af 20 sentímetra (8 tommu) skjá í mikilli upplausn sem tryggir háþróaða tengingu. Tvö önnur kerfi eru einnig fáanleg.

(frétt á vef Volkswagen)