- Renault mun kalla nýja flaggskipsgerð sína Rafale, nafn sem endurspeglar eldri og núverandi háhraðaflugvélar.
PARIS — Renault mun kalla komandi flaggskip sitt í meðalstærð í coupe-stíl Crossover Rafale, nafn sem kallar fram orrustuþotu franska flughersins sem og kappakstursflugvél frá 1930 sem smíðuð var af samrekstri Renault.
Renault sendi frá sér kynningarmynd af þessum nýja Rafale millistærðar crossover í coupe-stíl sem er hér efst í fréttinni.
Renault Rafale verður þriðja útgáfan af minni Austral-sportjeppanum, sem er smíðaður á Renault-Nissan CMF-CD grunninum. Auk Austral, sem kom á markað undir lok árs 2022, kynnti Renault í mars meðalstærð af Espace, lengri útgáfu af Austral með fimm eða sjö sætum. Framleiðsla á Espace mun hefjast í sumar á Spáni.
Kynningarmyndir af Rafale voru birtar á þriðjudag. Bíllinn verður afhjúpaður þann 18. júní á Parísar flugsýningunni á Le Bourget flugvellinum fyrir utan París, sagði Renault.
Renault segir að nafn Rafale sé frá einssæta kappakstursflugvél frá miðjum þriðja áratugnum sem var smíðað af Caudron-Renault, á þeim tíma þegar Renault tók þátt í öðrum verkefnum en bílasmíði.
Einnig á CMF-C/D grunninnum er Renault Espace meðalstærðar sportjeppi, fáanlegur með fimm eða sjö sætum. Hann kemur í stað eldri gerðar Espace.
„Nafnið „Rafale“ leiðir strax hugann að tækni, frammistöðu og tilfinningu fyrir áræði, auk akstursánægju og lipurðar,“ sagði Sylvia Dos Santos, yfirmaður nafnastefnu fyrir alþjóðlega markaðssetningu Renault, í fréttatilkynningu.
„Þetta er rækilega þýðingarmikið nafn sem byggir á sögu okkar á sama tíma og það vekur fullkomlega staðsetningu framtíðar coupé sportjeppa okkar í háum gæðaflokki,“ sagði Dos Santos.
Búist er við að Rafale verði knúinn af nýjustu kynslóð af E-Tech full hybrid kerfi Renault, eins og Espace. Austral býður einnig upp á mildar tvinnvélar en Renault leggur áherslu á sölu á fullum blendingi.
Renault Austral, minni jepplingur, kom á markað á seinni hluta ársins 2022 og leysti af hólmi Kadjar sem selst hægt.
Hann á að verða flaggskipsgerð Renault, eftir að Talisman millistærðar fólksbíll og stationbíll, var hætt að framleiða á síðasta ári. Undir stjórn Luca de Meo, forstjóra hópsins, leggur Renault vörumerkið áherslu á sölu á litlum og meðalstærðum bílum, sem og efri útfærslum af smærri gerðum.
„Rafale“ er franskt orð sem þýðir vindhviða eða loft. Rafale orrustuþotan hefur verið smíðuð af Dassault síðan 2001 og er uppistaða franska flughersins, auk þess að vera seld til annarra landa þar á meðal Egyptalands, Grikklands og Indlands.
(Peter Sigal – Automotive News Europe)
