Nýi rafdrifni sportjeppinn frá Skoda fær írskt nafn

Nýi rafdrifni sportjeppinn frá Skoda fær írskt nafn

Fyrsta gerð Skoda sem eingöngu notar rafmagn frá rafgeymum, og sem byggist á MEB rafmagnsgrunni móðurfyrirtækisins Volkswagen Group verður kallað Enyaq.

Bíllinn, sem er í coupe-stíl mun fara í sölu í Evrópu í lok ársins sem hluti af rafvæðingu tékkneska merkisins.

Skoda sagði að Enyaq sameini nafn írsku konunnar Enya við bókstafinn Q sem er að finna í lok nafna Kodiaq, Karoq og Kamiq jeppanna. E er einnig tilvísun í rafmagnið.

Enyaq mun verðlagður á svipuðu verði og Superb millistærðarfólksbbíllinn og Kodiaq meðalstóri sportjeppinn, sagði Alain Favey, sölustjóri Skoda, við Automotive News Europe í fyrra.

Meðal söluverð Kodiaq er um 40.000 evrur til 45.000 evrur. Fyrir Superb eru það um 40.000 evrur.

Stefna á tíu gerðir sem nota rafmagn

Skoda stefnir að því að hafa fimm fullar rafmagnsgerðir og fimm gerðir tengitvinnbíla til sölu í lok árs 2022. Þeir reikna með að fullir rafbílar og innbyggðir blendingar muni nema 25 prósent af sölu Skoda árið 2025.

Superb er með innbyggða blendingaútgáfu og á þessu ári mun Octavia einnig koma sem tengitvinnbíll.

Skoda sendi nýlega frá sér rafhlöðudrifna útgáfu af Citigo smábílnum sínum, sem er systurgerð VW e-Up. Báðir byggðir á eldri gerð grunnplötu.

Skoda stefnir að því að setja af stað hefðbundnari rafmagns sportjeppa byggðan á MEB pallinum fljótlega eftir Enyaq. Því verður fylgt eftir með hagkvæmari rafbíl sem byggir á nýjum grunni rafbíla frá VW Group.

Skoda mun smíða Enyaq í verksmiðju sinni í Mlada Boleslav í Tékklandi, á sömu framleiðslulínu og Octavia. Framleiðsluáætlunin er frábrugðin VW Group vörumerkjunum Seat og Audi, sem munu smíða fyrstu MEB-bílana sína hjá aðalverksmiðju VW í Zwickau í Þýskalandi, ásamt VW ID3.

Búist er við að fyrsti Seat MEB-bíllinn, El Born, verði afhjúpaður í framleiðsluformi á bílasýningunni í Genf núna 3. mars.

Enyaq ekki frumsýndur í Genf

Enyaq mun ekki verða frumsýndur í Genf en verður þess í stað opinberaður síðar á þessu ári, sagði talsmaður Skoda.

Skoda forsýndi Enyaq með Vision iV hugmyndinni sem kynnt var á sýningunni í Genf í fyrra. Hugmyndin var aðeins styttri en Kodiaq, stóri sportjeppi vörumerkisins, en var með stærra skott. Hann var knúinn af tvöföldum rafmótorum til að gefa samanlagt afl 302 hestöfl og var með 83 kWh litíumjónarafhlöður til að gefa 500 km bil akstursvið, mælt á samkvæmt WLTP.