VW staðfestir áætlanir um rafdrifinn sportjeppa sem á að keppa við Tesla
Volkswagen staðfesti á bílasýningunni í Shanghai áætlanir um að hleypa af stokkunum sportkeppa sem notar eingöngu rafmagn og byggir á ID Roomzz hugmyndabílnum sem var frumsýndur á bílasýningunni í Shanghai á sunnudaginn.
Framleiðsluútgáfan verður með þrjár sætaraðir, sjö sæta útgáfa sem mun keppa við stóra rafdrifna sportjeppa eins og Tesla Model X.
Þessi sportkeppi mun koma á markað „í upphafi“ í Kína frá og með 2021, sagði VW í yfirlýsingu sem var send út fyrir opinbera frumsýningu ID Roomzz í Shanghai í þessari viku.
Herbert Diess, forstjóri VW, sagði framleiðsluútgáfa af Roomz muni vera flaggskip rafdrifinna bíla frá Volkswagen í Kína.
Ætla að framleiða 22 milljónir rafmagnsbíla
„Við ætlum að framleiða meira en 22 milljónir rafmagnsbíla á næstu 10 árum“, sagði Diess og bætti við að um helmingur verkfræðinga hjá VW væru að vinna að vörum sem ætlaðar eru til Kína.
Diess sagði að sportjeppinn yrði að lokum fluttur út til annarra markaða en ekki er vitað um tímasetningu. Gert er ráð fyrir að þessi gerð verði seld í Bandaríkjunum og Evrópu.
ID Roomzz er 4920 mm á lengd, sem er 42 mm lengri en VW er Touareg-jeppinn. Hann er með fjögur sæti en í framleiðsluútgáfu mun hann fá allt að sjö sæti.
Sætin í hugmyndabílnum eru sveigjanlegt og gerir það að verkum að hann er „setustofa á hjólum fyrir tilveru á veginum“, segir VW.
Bíllinn er hannaður til að bjóða upp á stig 4 í sjálfstæðum akstri, sem þýðir að það getur ekið sjálfur í flestum tilvikum.
Til að gangsetja sjálfstæða akstursstillingu ýtir ökumaðurinn á VW-merki á stýrinu í að minnsta kosti fimm sekúndur. Þetta færir stýrið fjær í slökkta stöðu til að veita meira pláss við mælaborðið.
Hægt að snúa hverju sæti inn í 25 gráður til að auðvelda meiri samskipti milli ökumanns og farþega. Einnig er hægt að halla sætum þegar bíllinn er sjálfur að aka. Með því að ýta aftur á stýrishjólið mun ökumaðurinn taka aftur við stjórninni.
Hugmyndabíllinn er með stafræna glerhlíf með mælaborði og stýri sem virðist fljóta fyrir framan ökumannina sem sjónrænn skjár. Samvirk ljósasvæði veitir farþegum upplýsingar með viðvörunarljósum með innsæi.
Innanarýmið er með umhverfisvæna eiginleika. Til dæmis er áklæðið á sætunum með leifar af framleiðslu á eplasafa framleiðslu, sem VW kallar „AppleSkin“. Efnið getur komið í stað 20 prósent af pólýúretan sem í sag er notað í sæti.
Akstursdrægni er sögð vera 450 km
ID Roomzz er knúinn af 82 kílóvatta rafhlöðu sem hægt er að endurhlaða þráðlaust.
Aksturssvið á einni hleðslu er sögð vera 450 km samkvæmt nýju WLTP prófunarferli í Evrópu. 150-kílówatta rafmótor við afturhjól gefur mest af aflinu til aksturs. Ásamt minni 75 kW mótor, er hægt að aka bílnum með drifi á öllum hjólum.
Hröðun á ID Roomzz frá 0-100 km / klst er 6,6. sekúndur. Topphraði hans er takmarkaður við 180 km / klst. Hægt að breyta afturljósunum með síma-appi ID.
Roomzz er fyrsti hugmyndabíllinn í fjölskykdu ID-rafmagnsbíla þar sem hægt er að aðlaga afturljósin með appi í snjallsíma.
Framleiðsluútgáfa sportjeppans verður byggð á grunni MEB-rafmagnsbíla frá VW.
ID Roomzz er annar hugmyndabíll rafmagnsjeppa frá VW-vörumerkinu á eftir litla Crozz sem var frumsýndur fyrir tveimur árum síðan í Shanghai.
ID-fjölskyldan mun einnig innifela „hatchback“ í Golf-stærð sem mun fara í sölu í Evrópu snemma á næsta ári, ásamt Crozz og Crozz Coupe jeppa, og I.D. Buzz microbus, sem er á anda gamla „rúgbrauðsins“.
Til að auka rannsóknar- og þróunarmöguleika VW Group, mun Volkswagen og Audi sameina krafta sína í Kína.
33 mismunandi gerðir rafbíla á árinu 2023
Thomas Ulbrich, yfirmaður rafbíladeildar VW-vörumerkisins, sagði að bílaframleiðandinn muni hefja framleiðslu á 33 rafbílum sem eingöngu nota raforku um mitt ár 2023 með því að nota MEB grunninn til að byggja upp rafbíla fyrir Skoda, Seat, Audi og VW vörumerkin.
Ulbrich sagði að VW Group sé að breyta 16 verksmiðjum um heim allan til að virkja fjöldaframleiðslu rafknúinna ökutækja, þar af munu átta verksmiðjur framleiða bíla undir merkjum VW vörumerkisins.
(byggt á Automotive News Europe og Reuters)
?
