Volvo frumsýnir nýja rafbíllinn Volvo XC40 Recharge sem skilar 408 hestöflum
LOS ANGELES – Volvo Cars eru komnir inn á rafmagnsbílamarkaðinn að mati bandarískra bílablaðamanna með öruggu vali: „crossover“.
XC40 Recharge, sem var kynntur í Los Angeles á miðvikudag, er breytt útgáfa af litla XC40 „Crossover“. Í stað fjögurra strokka vélarinnar er bíllinn búinn 75 kílóvattstunda rafhlöðu.
Gert er ráð fyrir að XC40 Recharge með tveimur mótorum muni koma til söluumboða í Evrópu og Bandaríkjunum á seinni hluta næsta árs. Rafbíllinn skilar allt að 408 hestöflum og 660 newton metra togi. Hann er með hröðun frá 0 til 100 km / klst. á 4,9 sekúndum. Bíllin er með 400 kílómetra akstursdrægni samkvæmt WLTP prófunarreglum.
Rafhlaðan getur hlaðið um 80 prósent af afkastagetu sinni á 40 mínútum í hraðhleðslutæki.
XC40 EV er í fylkingarbrjósti framúrskarandi losunarlausra gerða frá Volvo, sem vill að rafknúnir bílar skuli standa undir helmingi sölu heimsins fyrir árið 2025. Næstu fimm ár, að sögn Volvo, munu þeir senda frá sér einn rafbíl á hverju ári.
Framtíðin er rafmagn
„Við höfum sagt þetta nokkrum sinnum áður: Fyrir Volvo Cars er framtíðin rafmagn,“ sagði forstjórinn Hakan Samuelsson í yfirlýsingu.
Volvo sagði að Recharge muni verða tegundarheiti þeirra á rafknúnum ökutækjum og tengitvinnbílum. Búist er við að tengitvinnbílar verði um 20 prósent af sölu Volvo á næsta ári.
Volvo reiknar með að þrefalda framleiðslugetu sína á rafbílum.
Leiðandi í sölu
Ákvörðun Volvo um að fara inn á markað rafbíla með „crossover“ er viðurkenning á raunveruleika markaðarins: Evrópskar fjölskyldur yfirgefa fólksbíla og stationbíla fyrir rýmri og sveigjanlegri akstur.
XC40 Recharge mun glíma við markaðshlutdeild ásamt rafknúnum „crossover“-bílum frá Audi, Jaguar og Tesla.
Ákvörðun Volvo um að byggja fyrstu rafmagnsbifreið sína á XC40 er stefnumótandi. XC40 var ört vaxandi gerð Volvo í Evrópu fyrstu átta mánuðina – sem er 109 prósent aukning frá fyrra ári, með 50.861 bíla sölu.
Samstarf við Google
XC40 Recharge frumsýnir Android-knúið upplýsinga- og afþreyingarkerfi Google sem samþættir Google Assistant, Google Play Store, Google Maps og aðra þjónustu.
Að fella tækni Google inn í upplýsinga- og afþreyingarkerfið er tilfærsla fyrir bílaframleiðendur, þar sem flestir takmarka aðganginn að Android Auto, sem gerir ökumanni kleift að skoða og nota forrit á snertiskjá bifreiðarinnar eftir að hafa tengt snjallsímann.
Google Assistant mun leyfa ökumönnum og farþegum að stjórna hitastigi ökutækisins, velja áfangastað, spila uppáhaldstónlist sína og fyrirskipa textaskilaboð.
Rafdrifinn XC40 er fyrsti Volvoinn til að fá uppfærslur á hugbúnaði og stýrikerfum í loftinu – eiginleiki sem Tesla hefur notað og sem dreifist smám saman út um bílaiðnaðinn.
XC40 Recharge verður einnig fyrsti Volvoinn sem búinn er nýju háþróuðu ökumannahjálparkerfi sem samanstendur af fjölda ratsjám, myndavélum og ultrasonic skynjurum.
