Scout frá Volkswagen

Scout frá Volkswagen

Scout vörumerki Volkswagen sýnir mynd af framenda á fyrsta alrafmagnaða jeppanum frá VW

Myndin sýnir hugmyndajeppa frá Scout sem áætlað er að verði í framleiðslu árið 2026

Við höfum áður fjallað um þá staðreynd að gamla góða vörumerkið Scout er núna í eigu Volkswagen, sem hefur á prjónunum að koma með Scout aftur inn á bandaríska bílamarkaðinn.

Alastair Crooks hjá bílavef Auto Express veit meira:

Scout er nýtt bandarískt vörumerki frá Volkswagen og mun einbeita sér fyrst og fremst að rafknúnum torfærubílum og pallbílum.

Við höfum séð skissur af væntanlegum gerðum en nú hefur fyrirtækið gefið út opinbera kynningu á fyrsta hugmyndabílnum sínum.

Kynningin er sýnd á nýrri vefsíðu Scout þar sem, sérstaklega, nafnið „Volkswagen“ er algjörlega fjarverandi.

Fyrirtækið hefur tjáð sig um plaggið og sagt að það „sýni hugmynd að Scout með sterkri stöðu og uppréttri stellingu sem minnir á klassískar fyrirmyndir Scout“.

Fyrri hönnunarskissur sýna að pallbíllinn og jeppinn mun deila svipaðri hönnun, þar sem báðir fá sléttan framenda, einfalt og hreint yfirborð og hækkaða gluggalínu að aftan. Þar sem hefðbundin aflrás er ekki til staðar, hefur þaðgert mjög stutt yfirhang mögulegt, að pallbílnum undanskildum sem hefur lengdan pall að aftan.

Hvað er Scout?

Scout nafnið var á röð torfærubíla sem smíðaðir voru af bandaríska fyrirtækinu International Harvester, sem nú er hætt, til ársins 1980. Nýju rafknúnu módelin sem bera merkið eiga að koma á markað í Bandaríkjunum í upphafi, þó að framboð á öðrum mörkuðum sé ekki ómögulegt. Volkswagen fékk nafnarétt á Scout vörumerkinu á síðasta ári.

Scout-gerðirnar munu ekki vera smíðaðir á MEB rafmagnsgrunni Volkswagen, sem notaður er fyrir rafknúna ID-bíla vörumerkisins. Í staðinn mun Scout svið nota það sem yfirmenn orða sem „nýjan tæknilegan grunn“ fyrir torfærubíla.

Hannaðir fyrir markað í Bandaríkjunum

Scout línan verður eingöngu hönnuð fyrir bandaríska markaðinn, þar sem pallbíllinn gæti hugsanlega byrjað á verði sem er um 40.000 Bandaríkjadollara, sem er lægra en hjá keppinautum eins og Ford F-150 Lightning og Chevrolet Silverado EV.

GM, Rivian og Hummer hafa einnig farið inn á rafbílamarkaðinn í Ameríku og Volkswagen-stjórinn Herbert Diess virðist hafa áhuga á að taka hluta af ábatasama hlutanum. „Rafvæðing veitir sögulegt tækifæri til að komast inn í mjög aðlaðandi flokka pallbíla og R-jeppa sem hópur, sem undirstrikar metnað okkar til að verða viðeigandi leikmaður á bandarískum markaði“.

Frumgerðir kynntar á næsta ári – á markað 2026

Volkswagen segir að frumgerðir verði kynntar á næsta ári, en fyrstu framleiðslutilbúnu Scout farartækin munu koma árið 2026. Það verður líka 100 milljón dollara fjárfesting til að koma nýja vörumerkinu á framfæri. Áformin eru hluti af víðtækara markmiði Volkswagen að tvöfalda markaðshlutdeild rafbíla í Bandaríkjunum og verða söluhæsti rafbílaframleiðandi heims fyrir árið 2025.

(frétt á vef Auto Express)

?