Fyrsti rafbíll Ford á grunni frá VW er sportjeppi með amerískri hönnun
- Jafnvel þó að bíllinn sé byggður á MEB-grunni VW mun Ford minna alla á ameríska arfleifð sína
Vefsíðan INSIDEEVs segir frá því að Ford mun smíða eigin rafknúið ökutæki á MEB-grunni frá Volkswagen, þeim grunni sem notaður er við smíði rafbíla frá VW, SEAT, Skoda og Audi.
Hins vegar hefur Ford ekki áform um að gera ökutækið á nokkurn hátt líkt gerðum frá áðurnefndum vörumerkjum – það vill blása í það amerískri hönnun, til að undirstrika að það sé Ford.
Þessi nýi rafbíll mun lenda fyrir neðan Mustang Mach-E í línu rafbíla frá Ford og búist er við að það verði kynnt einhvern tíma á næsta ári; bíllinn mun líklegast fara í sölu árið 2023.
Eins og við höfum áður fjallað um hér á bílablogg þá ætlar Ford að smíða bílinn í einni af sögufrægum evrópskum verksmiðjum sínum, í Köln, þar sem það setur einnig saman Fiesta (þangað til að sá bíll hættir árið 2025).
Kölnverksmiðjan fær um þessar mundir meiriháttar uppfærslu og stækkun í formi þess sem Ford kallar „Köln rafvæðingarmiðstöð“ (Cologne Electrification Center).
Það mun kosta bílaframleiðandann 1 milljarð dollara og það er stærsta einstaka fjárfesting í aðstöðunni í Köln til þessa.
Í stað þess að búa til svipaðan bíl og VW ID.3 hefur Ford kosið að gera nýja bílinn meira í anda ökutækis eins og VW ID.4.
Bíllinn mun þó ekki líta út eins og ID.4 þar sem Ford er í mun að aðgreina bílana.
Stuart Rowley er yfirmaður evrópska armsins hjá Ford og hann sagði það nýlega: „Ford er eina bandaríska vörumerkið í Evrópu núna og það er einstök staða sem við getum byggt á.
Fjöldi fólks laðast að sumum af þessum einkennum og aðeins Ford getur komið slíkum vörum á markað!.
Gæti litið svipað út og Ford Evos í Kína
Vefsíðan INSIDEEVs segist ekki vita enn hvers konar hönnun þetta hefur í för með sér, en ef marka má Ford Evos, sem nýlega var kynnt á kínverska markaðinn (bíllinn sem er á myndunum með þessari grein) má gefa sér svolitla hugmynd um hvert hönnu Ford stefnir á þessum bíl.
Framleiðandinn gæti einnig farið aftur á svið gamla tímans í útlitinu, eins og það hefur gert með nýja Bronc, sem aftur leiddi af sér Bronco Sport, gerð sem er lík út eins og hann, en er allt öðruvísi vélrænt sé (sem og ódýrari og með mun minni færni í vegleysum).
Svo erum við að fara að sjá Ford með Bronco vísbendingum byggðan á grunni VW MEB-spyr Vefsíðan INSIDEEVs?
Og þeir bæta við að Rowley hefur vissulega á réttu að standa þegar hann nefnir að það séu engir aðrir bandarískir bílaframleiðendur í Evrópu og þetta setur Ford í einstaka stöðu sem hægt er og ætti að nýta.
Gæti þetta þýtt endurvakningu á sérstæðum og sögufrægum nöfnum sem rafknúinna bíla?
Við höfum séð að Ford veigrar sér ekki við að setja fræg og þekkt nöfn eldri bíla á nýja rafbíla, svo það gæti mjög vel verið raunin.
Skrifari INSIDEEVs varpar fram þeirri hugmynd að um gæti verið að ræða endurvakningu á Cortina nafninu – hver veit?
(byggt á frétt á vef INSIDEEVs)
