Allir sem eldri eru muna vel eftir Datsun-vörumerkinu sem Ingvar Helgason seldi hér á árum áður, en nafnið datt út árið 1983 og Nissan nafnið tekið upp í staðinn. Til stóð að endurlífga vörumerkið en það mistókst og nú kveður Datsun í hinsta sinn.
Að endurlífga Datsun var lykilstefna Carlos Ghosn, fyrrverandi stjórnarformanns Nissan, sem vildi stækka á nýmörkuðum en salan náði aldrei bjartsýnustu spám. Samkvæmt frétt frá Automotive News Europe er Datsun, sem var endurvakið árið 2013 sem ódýrt nýmarkaðsmerki, dautt í öllu nema nafni eftir að móðurfyrirtækið Nissan hætti framleiðslu á heimsvísu undir merki Datsun.
Síðasta verksmiðjan sem framleiðir Datsun bíla hefur hætt framleiðslu bílanna, innan við áratug eftir að fyrrum forstjóri Nissan, Carlos Ghosn, endurvakti vörumerkið með stórkostlegum yfirlýsingum um fjöldaframleiðslu.
Fyrirtækið Chennai á Indlandi, rekið af Nissan og franska samstarfsaðilanum Renault, hætti framleiðslu á Datsun Redi-GO fimm dyra bílnum í mars, sagði Nissan.
Þar með lauk síðasta kaflanum um Datsun sem einu sinni sá ökutæki vörumerkisins framleidd og seld í Rússlandi og Indónesíu, auk Indlands. Framleiðslu Datsun í Indónesíu og Rússlandi lauk árið 2020. Datsun bílar voru einnig seldir í Suður-Afríku, á meðal annarra valinna markaða.
Að hætta með vörumerkið var hluti af Nissan Next endurvakningaráætluninni sem kynnt var árið 2020. Markmiðið var að einbeita sér að kjarnamerkjum fyrirtækisins, fjöldamarkaðsbílum frá Nissan og úrvalsbílum frá Infiniti.
Byrjaði árið 1931
Datsun á rætur sínar að rekja til ársins 1931. Nafnið var notað af Nissan fyrir útflutningsmarkaði, þar á meðal í Bandaríkjunum og Evrópu. Japanski nýliðinn sló í gegn fyrir um fimm áratugum sem andlit Nissan með merki sínu á fyrstu kynslóð 240Z sportbílsins.
Datsun nafnið var fellt niður í þágu Nissan árið 1983. Tilgangurinn var að styrkja alþjóðlega fyrirtækjaímynd Nissan. Söluaðilar í Bandaríkjunum lögðust alfarið gegn hugmyndinni. Fjórum áratugum síðar hefur heil kynslóð Bandaríkjamanna alist upp án þess að þekkja vörumerkið.
Ghosn endurlífgaði Datsun í því skyni að vinna upp það sem spáð var mikilli uppsveiflu á nýmörkuðum með því að nota eldri tækni bandalagsins til að búa til bíla á viðráðanlegu verði fyrir nýju millistéttina sem annars hefði getað keypt notaðar gerðir. Sala á „endurskírðum“ Datsun hófst árið 2014.
Þegar vörumerkið var endurvakið sagði japanska Nikkei viðskiptadagblaðið að Nissan stefndi á alþjóðlega framleiðslu upp á 300.000 einingar á ári. En salan blómstraði aldrei í samræmi við þær bjartsýnu spár.
Nissan gat ekki gefið upp nýlegar árssölutölur núna. En síðan Datsun kom aftur á markaðinn seldi vörumerkið samtals um 470.000 farartæki í gegnum árin.
Árið 2021 dróst sala á Indlandi saman um 40 prósent í 4.296 einingar, samkvæmt LMC Automotive. Árið 2017, aftur á móti, seldust 40.443 farartæki á meginlandi Indlands.
Gæti birst aftur á rafbíl
Heimildarmaður Nissan segir að fyrirtækið sé enn að deila um hvað eigi að gera við vörumerkið. Einn valkostur gæti verið að eiga það „ofan í skúffu“ til að nota síðar, til dæmis sem markaðsmerki fyrir rafbíla.
Á Indlandi leggur framleiðandinn nú mesta áherslu á Nissan-vörumerki eins og Magnite, bíl sem er smíðaður á Indlandi.
„Sem hluti af alþjóðlegri umbreytingarstefnu Nissan einbeitir Nissan sér að kjarnagerðum og hlutum sem skila mestum ávinningi fyrir viðskiptavini, söluaðila og fyrirtæki,“ sagði Nissan í yfirlýsingu.
