Dacia Duster með endurbótum í útliti og meiri tækni
- Hinn hagkvæmi Dacia Duster hefur verið uppfærður í 2021 árgerð með nokkrum endurbótum í hönnun og nýjum átta tommu upplýsingaskjá
Bílaleigubílar eru oft ágætur mælikvarði á hvernig bílar eru að standa sig í íslensku umhverfi. Einn slíkra bíla er Dacia Duster sem er minni gerð jeppa sem er framleiddur og markaðssettur sameiginlega af franska framleiðandanum Renault og rúmenska dótturfyrirtækinu Dacia síðan 2010.
Með auknum fjölda ferðamanna fjölgaði bílaleigubílum mikið og í þeim flokki hefur Duster verið áberandi og staðið sig vel.
Hann þykir góður ferðabíll, langt á milli hjóla sem gerir hann stöðugan og með fjöðrun sem hentar vel á íslenska vegakerfinu.
Dacia Duster jeppinn hefur fengið nú andlistlyftingu fyrir árgerð 2021. Endurskoðaða gerðin mun fara í sölu síðar í sumar og fylgja nokkrar útlitsbreytingar og aðeins meiri tækni, sem vörumerkið vonar að muni halda bílnum framar öðrum tilboðsbílum á markaðnum, eins og MG ZS, eða svo kemur fram í frétt á vef Auto Express.
Dacia hefur ekki enn staðfest verðlagningu bílsins eða búnaðarstig en Auto Express gerir ráð fyrir að bíllinn haldist nálægt núverandi verði.
Útlitsuppfærslur innihalda nýtt grill og ný aðalljós aðalljós sem deila sömu Y-laga LED dagljósunum og nýjasti Sandero. Það er líka ný vindskeiðað aftan og endurhönn á álfelgum, annað hvort 16 eða 17 tommur.
Dacia segir að allar þessar uppfærslur hafi verið hannaðar til að gera þennan endurnýjaða Duster aðeins straumlínulagaðri en forverann.
Þeim fylgir nokkur skilvirkni, (eins og hjólalegur með lægri núningsmótstöðu og ný dekk), og stuðla að 5,8 g/km minni losun koltvísýrings á fjórhjóladrifsgerðinni.
Innréttingar Duster hafa fengið áberandi endurhönnun þar sem Dacia kynnti nýtt áklæði og grennri höfuðpúða, sem Dacia segir vera vinnuvistfræðilegri og leyfi betri yfirsýn.
Það er líka nýr miðjustokkur, sem er með par af USB-innstunguu, 1,1 lítra geymsluhólf og innfellanlegan armpúða.
Kaupendur fá einnig aðeins meiri staðalbúnað yfir allt sviðið. Sérhver afbrigði eru með skjá með ferðaupplýsingar, sjálfvirka stillingu á aðalljósum og hraðatakmarkara.
Einnig er boðið upp á loftkælingu, hraðastilli, hitun á framsæti og lykillausan aðgang.
Dacia hefur einnig búið til nýtt átta tommu upplýsingakerfi sem hægt er að tilgreina með tveimur stigum tækni. Sá fyrsti, sem kallast Media Display, bætir við sex hátalara hljómtækjum, DAB útvarpi, Bluetooth-tengingu, raddgreiningu og par af USB-innstungum.
Media Display pakkinn inniheldur einnig búnað Apple CarPlay og Android Auto á meðan Media Nav búnar bílar fá samþætt leiðsögukerfi (sat-nav) og þráðlausa snjallsímatengingu.
Dacia hefur ekki breytt vélasviði Duster mikið. Það er ennþá einbeitt í kringum TCe túrbó bensínvélar vörumerkisins, byrjað á 1.0 lítra þriggja strokka TCe 90 (89 hestöfl) og 1,3 lítra fjögurra strokka TCe 130 (128 hestöfl).
Báðar týpurnar eru með framhjóladrifi og sex gíra beinskiptingu.
Best búni bíllinn með bensín vél er 148 hestöfl TCe 150, sem deilir sömu 1,3 lítra einingunni og TCe 130. Hann er einnig framhjóladrifinn, en fæst aðeins með nýrri sex gíra sjálfskiptingu með tvöfaldri kúplingu.
Enn er dísilvalkostur í boði – 113 hestafla 1,5 lítra fjögurra strokka dCi 115. Hann er aðeins fáanlegur með sex gíra beinskiptingu, en kaupendur fá val um annað hvort fram- eða fjórhjóladrif.
Dacia mun einnig halda áfram að bjóða bílinn með LPG-samhæfðri aflrás, sem kallast Bi-Fuel, sem nýtist á þeim markaðssvæðum sem bjóða upp á þennan valkost á eldsneyti.
Sú gerð er byggð á 1,0 lítra þriggja strokka bensínvél fyrirtækisins og er með framhjóladrifi og beinskiptum gírkassa. Uppsetningunni fylgir nú stærri bensíntankur en áður og þegar hann er fylltur bæði með bensíni og LPG-gasi, býður Bi-Fuel upp á meira en 1.260 km.
Þessi gerð framleiðir einnig aðeins meira afl en gerðin sem notar aðeins bensín og býður upp á 99 hestöfl.
(byggt á frétt á vef Auto Express)
