Hraðhleðslustöðvar Tesla ná nú yfir allan hringveginn
Eftir nýlega opnun tveggja nýrra hraðhleðslustöðva nær hleðslunet Tesla yfir allan hringveginn, eins og fram kemur í fréttatilkynningu frá Tesla.
Fyrr í haust opnaði Tesla hraðhleðslustöðvar á Höfn og Akureyri. Með þessum stöðvum er alltaf innan við 300 kílómetrar á milli hleðslustöðva og veitir næga drægni til að aka á rafmagninu allan hringinn.
Í fréttatilkynningunni kemur fram að Tesla sjái mikla eftirspurn frá íslenskum viðskiptavinum sem vilja skipta yfir í rafbíl. Model 3 og Model Y eru báðir á meðal fimm mest seldu bíla á Íslandi það sem af er ári, samkvæmt opinberum skráningargögnum.
Áætlað er að nýjar pantanir af öllum afbrigðum af Model 3 og Model Y Long Range verði afhentar fyrir lok ársins 2021.
