Það er mikið skrifað og rætt um tvinnbíla í ræðu og riti – einkum eru skrifin á vefnum. Þegar allt er tekið með í reikninginn virðast tvinnbílar vera frábær tæknilausn vegna þess að þeir vinna með því að nýta kraft bensínvélar og sameina það afli rafmótors.
Þetta þýðir ekki að ökutækið sjálft sé rafbíll. Það þýðir bara að ökutækið er umhverfisvænna því það krefst ekki alltaf afls frá vélinni til aksturs og hröðunar. Líta ætti á tvinnbíla sem bensínknúna bíla sem hafa betri eldsneytisnýtingu.
Við hér á Bílablogg.is höfum oft fengið spurningar um kosti og galla tvinnbíla, en höfum ekki enn lagst í alvöru „greiningarvinnu“ til að skoða þetta til hlítar, en greinin hér fjallar um kosti og galla tvinnbíla út frá sjónarhorni eins aðila sem við fundum á vefnum.
Byggt á þessum upplýsingum getum við kannski komist aðeins nær þvíhvort tvinnbíll henti þér eða ekki.
Kostir tvinnbíla
#1 – Ábyrgðir
Tvinnbílaframleiðendur munu venjulega veita viðskiptavinum 8 ára ábyrgð sem nær yfir allt tvinnkerfi ef eitthvað fer úrskeiðis við það.
#2 – Minni þörf á bensíni og olíu
Þó að tvinnbílar útiloki ekki þörfina fyrir olíu og bensín, dregur vissulega úr því magni sem þarf vegna þess að brunavélin verður ekki notuð eins mikið. Ef fleiri myndu keyra tvinnbíla væri auðveldara að spara meira jarðefnaeldsneyti.
#3 – Eldsneytisnýting
Þar sem þú notar ekki eins mikið bensín við aksturinn þýðir þetta að þú þarft ekki að fylla bensíntankinn eins oft. Þetta mun leiða til gassparnaðar, sérstaklega ef þú keyrir að mestu um bæinn eða innan borgar þar sem umferðin er hægari.
#4 – Gjaldaafsláttur
Fólk sem kaupir og notar annað hvort rafknúið ökutæki eða tengitvinnbíl eiga í flestum löndum rétt á afslætti af gjöldum. Hér á landi hefur þetta verið staðreynd, en er að falla út á næstunni og óvíst um framhaldið.
#5 – Umhverfisvænni
Það væri gaman að segja að tvinnbílar séu 100% vistvænir, en þeir eru það ekki vegna þess að þeir nota enn bensín. Hins vegar eru þeir betri fyrir umhverfið en hefðbundin bensínknúin farartæki vegna þess að tvinnbílar losa minna af kolefni. Þetta er einu skrefi nær í rétta átt í baráttunni gegn hlýnun jarðar.
Gallar við tvinnbíla
#1 – Hægari akstur
Þú munt ekki geta ekið eins hratt og þú vilt með tvinnbíl. Þrátt fyrir að bíllinn leyfi þér að aka á miklum hraða muntu nota meira af bensínkraftinum ef þú gerir það. Þetta myndi vinna bug á tilgangi þess að fá tvinnbíl, í fyrsta lagi vegna þess að það á að snúast um að nota meira rafmagn og minna bensín. Þess vegna ertu alltaf hvattur til að aka hægar til að nýta rafmótoraflið meira.
#2 – Dýrara
Tvinnbílar eru yfirleitt nokkuð dýrari en hefðbundnir sparneytnir bílar. Þú getur búist við að borga aðeins meira fyrir ódýrasta tvinnbílinn.
#3 – Kostnaður á móti bensínsparnaði
Þó að þú sparir kaup á bensíni vegna þess að tvinnbíllinn mun eyða minna af því, mun heildarsparnaðurinn á bensíni samt ekki vega upp á móti þeim aukapeningum sem þú eyðir í farartækið sjálft.
#4 – Meira til viðgerðar
Komi upp vandamál með virkni ökutækisins, þá verða fleiri atriði fyrir bifvélavirkjann til að skoða og greina. Það gætu verið vandamál með rafmótorinn eða bensínvélina, sem þýðir að þú munt eyða enn meiri peningum í viðgerðarkostnað fyrir þessa hluti.
Þetta er í rauninni í hnotskurn það sem skiptir máli þegar valið er á milli bensínbíls, tengitvinnbíls eða bíls sem aðeins notar orku frá rafgeymum.
(byggt á grein á CarTreatment.com)
