Bluetooth, Android Auto eða Apple CarPlay?
Sá sem þetta skrifar á tvo bíla – en báða gamla, annan liðlega 12 ára og hinn nærri 20 ára. Þar af leiðir að í þessum bílum eru engir nútímalegir skjáir eða leiðsögukerfi.
Þegar ég var að reynsluaka nýjum Toyota Yaris Hybrid á dögunum, þá leiddi ég hugann að því að nota „nútímatæknina“ og tengja LG-snjallsímann minn við bílinn og þar með skjáinn svo það væri hugsanlega hægt að svara með handfrjálsum búnaði. Þetta reyndist miklu auðveldara að gera en ég reiknaði með – tók í raun bara örstutta stund, og síminn birtist á skjánum sem tengdur.
Þetta var líka eins gott því stuttu seinna hringdi síminn og núna var hægt að svara með því að styðja á hnapp í stýrinu, og símtalið kom um hljómkerfi bílsins, vel og greinilega.
Í flestum nýrri bílum
Ef þú ert að kaupa nýjan bíl eða íhuga tiltölulega nýlegan notaðan bíl, hefurðu örugglega heyrt um Bluetooth, Android Auto eða Apple CarPlay. Þessi tækni er nú eins sjálfsögð tækni í bílum og útvarp eða rafstýrðað rúðuvindur – það eru nánast engir nýir bílar í boði án þessarar tækni í dag.
Bluetooth er heiti tækni sem flytur gögn milli tveggja rafeindatækja þráðlaust. „Bluetooth“ kom fyrst til sögunnar árið 1997 frá Jim Kardach hjá Intel, sem þróaði kerfi sem gerði kleift að hafa farsíma í samskiptum við tölvur.
Þegar hann kom með þessa tillögu var gerð var hann að lesa sögulega skáldsögu Frans G. Bengtssonar Langskipin sem fjallaði um víkinga og Harald Blátönn Danakonung, danska kónginum sem var þekktur fyrir að sameina sameina hin ýmsu þjóðarbrot í Danmörku.
Þetta kerfi getur gert alls konar hluti en hér ætlum við aðeins að tæpa á notkun þess inni í bílum.
Ef bíll hefur grunnvirkni Bluetooth, þá þýðir það að hann getur parað sig við farsímann þinn og notað ákveðnar aðgerðir án þess að þurfa að tengja símann með kapli. Helsta ástæðan fyrir þessu er að þú getir hringt handfrjálst með hátölurum bílsins.
Á flestum bílum er einnig mögulegt að spila tónlist, podcast eða hljóðbækur í gegnum hátalarana í bílnum þínum með Bluetooth. Gangsettu bara viðkomandi forrit í símanum þínum og smelltu á play – bíllinn getur stjórnað afganginum og þú getur sleppt lögum, gert hlé og spólað aftur með því að nota stjórntæki í bílnum, stundum á stýrinu, eins og reyndin var á stýrinu á Yaris.
Misjafnlega létt að „para“
Það getur stundum verið smá bras að para saman símann og bílinn þinn með Bluetooth þar sem þú þarft oft að finna rétta undirvalmynd bæði í símanum þínum og í valmyndum bílsins – og þetta er mismunandi í hverjum bíl. En þegar þú hefur gert þetta einu sinni mun Bluetooth tengjast sjálfkrafa aftur þegar þú setur bílinn í gang, svo þú þarft aldrei að hafa áhyggjur af því að gera það aftur.
Android Auto og Apple CarPlay
Í mörgum nýjustu bílunum vilja snjallsímanotendur nota Android Auto eða Apple CarPlay, til að fullnýta eiginleika nýjustu snjallsímanna. Þetta er frábrugðið Bluetooth vegna þess að þessi kerfi birta forrit úr símanum þínum á skjá bílsins. Þeir nota samt Bluetooth fyrir ákveðnar aðgerðir
Fyrir notendur Apple kallast kerfið CarPlay en túlkun Google á upplýsingum í bílnum er Android Auto. Það er tækni sem tengir símann þinn við stjórneiningu bílsins, þannig að þú munt sjá einfaldaða útgáfu af skjá símans á upplýsingaskjánum.
Þú hefur ekki aðgang að notkun allra aðgerða til að gera það auðveldara og öruggara að stjórna meðan þú keyrir bílinn, en það gerir samt skjótan aðgang að sumum forritum og aðgerðum eins og flakki, streymi tónlistar, skilaboðum og símhringingum.
Android Auto er ekki í boði á öllum nýjum bílum og sumir framleiðendur hafa gert það að dýrum valkosti eða eru að biðja um áskriftargjald – það er það sama með Apple CarPlay. En bílum sem eru með þennan búnað sem staðalbúnað fjölgar stöðugt þar sem viðskiptavinir krefjast þess. Sumir framleiðendur treysta á tæknina og hafa í raun útbúið kerfið án þessarra möguleika vitandi að viðskiptavinir kjósa að nota tengda snjallsíma í staðinn. Í þessu tilfellum þýðir þetta venjulega að þú þarft að nota USB snúru frekar en Bluetooth til að tengja símann þinn við bílinn.
Bluetooth virkar ef þú ert nálægt bílnum þínum, allt að tíu metra fjarlægð. Ef þú ert nálægt bílnum þínum og tekur símtal en heyrir ekki í hinum aðilanum skaltu athuga hvort hljóðið er ekki bara í gegnum hátalara bílsins. Þú getur tryggt að bíllinn þinn ræni ekki símhringingum þínum ef þú vilt ekki með því að slökkva á Bluetooth tímabundið í símanum.
